Dinamalar

பிளாஷ்பேக்: லைலா - மஜ்னு: டப்பிங்கில் வெற்றி, ரீமேக்கில் தோல்வி

சில பிறமொழி படங்களில் டப் செய்யப்பட்டு தமிழில் வெளியிடப்படும்போது வெற்றி பெற்றுவிடும், ஆனால் அதே கதை தமிழில் நேரடியாக ரீமேக் செய்யப்பட்டு வெளியிடப்படும்போது தோல்வி அடையும். இப்படியான சம்பவங்கள் நிறைய நடந்துள்ளது. அவற்றில் ஒன்று 'லைலா -மஜ்னு'.

ரோமியோ - ஜூலியட், அம்பிகாபதி - அமராவதி, சலீம்-அனார்கலி போன்று உலக புகழ்பெற்ற அரேபிய காதல் கதை லைலா - மஜ்னு. மற்ற கதைகளை போலவே இந்த கதையும் உலகின் பல மொழிகளில் திரைப்படமாக வெளிவந்தது. இந்தியாவில் மவுன படங்கள் காலத்திலேயே இந்த கதை வந்து விட்டது. இந்தியாவின் பல மொழிகளில் தயாரான இந்த படம் தெலுங்குல் 1949ம் ஆண்டு வெளிவந்தது. பி.எஸ்.ராமகிருஷ்ணாவின் இயக்கத்தில் வெளிவந்த இத்திரைப்படத்தில் நாகேசுவரராவ், பானுமதி முக்கிய பாத்திரங்களில் நடித்திருந்தனர். பாடல்களுக்கு சி. ஆர். சுப்பராமன் இசையமைத்திருந்தார். இந்த படம் தமிழில் டப் செய்து வெளியிடப்பட்டது. தமிழ் வசனங்களையும் பாடல்களையும் எஸ். டி. சுந்தரம் எழுதியிருந்தார். படம் நல்ல வரவேற்பை பெற்றது.

இதே லைலா - மஜ்னு கதை அடுத்த ஆண்டே அதாவது 1950ம் ஆண்டு தமிழில் தயாரானது. இந்த படத்தில் மஜ்னுவாக டி.ஆர்.மகாலிங்கமும், லைலாவாக எம்.வி.ராஜம்மாவும் நடித்தனர். இவர்களுடன் எஸ்.வி.சஹஸ்ரநாமம், வி.என்.ஜானகி, ஆர்.பாலசுப்ரமணியம், ஜி.எம்.பஷீர், என்.எஸ்.கிருஷ்ணன், டி.ஏ.மதுரம், கே.பி.காமாட்சி, பி.எஸ்.சிவபாக்யம், டி.எஸ்.காமாட்சி, பி.எஸ்.சிவபாக்யம், டி.எஸ்.காமாட்சி, 'காகா' ராதாகிருஷ்ணன். குசலகுமாரி உள்பட பலர் நடித்தனர்.
எஸ்.வி. வெங்கடராமன் இசை அமைத்தார். பாலாஜி பிக்சர்ஸால் தயாரிக்கப்பட்டது. படம் பிரமாண்டமாக தயாரிக்கப்பட்டிருந்தாலும் முந்தைய தெலுங்கு டப்பிங் படத்தின் ஒப்பீடு காரணமாக இந்த படம் போதிய வரவேற்பை பெறவில்லை.

• 
  சாய் பல்லவி நடித்துள்ள ஏக் தின் ஹிந்தி படத்தின் டிரைலர் வெளியானது
• 
  மும்பை துப்பாக்கிச்சூடு சம்பவத்தை மையப்படுத்தி உருவாகும் படத்தில் ...
• 
  துரந்தர் பட ரசிகர்களுக்கு சர்ப்ரைஸ்
• 
  ரிலீஸாகி எட்டு மாதங்களுக்குப் பிறகு ஓடிடியில் வெளியாகும் சித்தாரே ஜமீன் ...
• 
  துரந்தர் படம் பாகிஸ்தான் ரசிகர்களுக்கும் பிடிக்கும் : ஆதித்யா தர்

• 
  வேண்டுமென்றே சர்ச்சை... நீக்காவிட்டால் சட்ட நடவடிக்கை: ராஷ்மிகா ...
• 
  சிம்புவை அணுகிய சூர்யா 47 படக்குழு
• 
  பிளாஷ்பேக்: பாடலாசிரியராக, வசனகர்த்தாவாக கலையுலகின் கவனம் ஈர்த்த ...
• 
  காமெடி கலந்த க்ரைம் த்ரில்லர் படங்கள்: இந்த வார ஓடிடி வரவுகள்...!
• 
  என் மனைவி ஆர்த்தி இல்லை என்றால் தயாரிப்பாளராகி இருக்க மாட்டேன் : ...