வந்தாச்சு ‛விஜய் 68 பட பூஜை : வெங்கட்பிரபு கேங்குடன் களமிறங்கும் ‛மல்டி ஸ்டார்ஸ் - Vijay 68 Film Pooja video out : Venkat Prabhu Gang with Multi Stars

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

வந்தாச்சு ‛விஜய் 68' பட பூஜை : வெங்கட்பிரபு கேங்குடன் களமிறங்கும் ‛மல்டி ஸ்டார்ஸ்'

24 அக், 2023 - 12:31 IST

எழுத்தின் அளவு:

Vijay-68-Film-Pooja-video-out-:-Venkat-Prabhu-Gang-with-Multi-Stars

லியோ படத்தின் வெற்றிக்கு பிறகு வெங்கட் பிரபு இயக்கும் தனது 68வது படத்தில் விஜய் நடிக்கிறார் . ‛லியோ' படம் வெளியாகும் முன்பே இந்த படத்தின் படப்பிடிப்பு பூஜையுடன் துவங்கியது. ஆனால் லியோ வெளியான பிறகு தான் இந்த படத்தின் அப்டேட் வெளியிடப்படும் என படத்தை தயாரிக்கும் ஏஜிஎஸ் நிறுவனம் அறிவித்தது. லியோ படம் வெளியான 5 நாட்களுக்கு பின் இந்த படத்தின் பூஜையின் போது எடுக்கப்பட்ட வீடியோவை இன்று(அக்., 24) வெளியிட்டனர்.

படத்தின் பூஜை வீடியோ உடன் படத்தில் யார் யார் நடிக்கிறார்கள் என்ற விபரமும் தெரியவந்துள்ளது. அவர்கள் யார் என்பது ஏற்கனவே வெளியான தகவல்கள் தான் என்றாலும் தற்போது அது உறுதியாகி உள்ளது.

அந்தவகையில் இந்த படத்தில் நாயகியாக மீனாட்சி சவுத்ரி நடிக்கிறார். இவர்கள் தவிர முக்கிய வேடங்களில் பிரசாந்த், பிரபுதேவா, மோகன் என மல்டி ஸ்டார்களும், அஜ்மல், ஜெயராம், சினேகா, லைலா, யோகிபாபு, விடிவி கணேஷ் மற்றும் வெங்கட்பிரபு கேங்கான பிரேம்ஜி அமரன், வைபவ், அரவிந்த் ஆகாஷ், அஜய் ராஜ் உள்ளிட்டோரும் இணைந்துள்ளனர்.

மேலும் இசையமைப்பாளராக யுவன் ஷங்கர் ராஜா, கேமராமேனாக சித்தார்த், எடிட்டராக வெங்கட் ராஜீன், ஸ்டன்ட் மாஸ்டராக திலீப் சுப்பராயன் ஆகியோர் பணியாற்றுவதாக அந்த வீடியோவில் வெளியிட்டுள்ளனர்.

சென்னையில் முதற்கட்ட படப்பிடிப்பு முடிந்த நிலையில் தற்போது தென் ஆப்ரிக்காவில் இதன் படப்பிடிப்பு நடந்து வருகிறது. ஏகப்பட்ட கலைஞர்கள் நடிப்பதால் இந்த படம் மீதான எதிர்பார்ப்பு அதிகமாகி உள்ளது.

Thalapathy68

Vijay68

VenkatPrabhu

Actorvijay

Meenakshichaudhary

Yuvanshankarraja

கருத்துகள் (0) கருத்தைப் பதிவு செய்ய

9 படங்களில் மட்டும் ரூ.2000 கோடி வசூல் : ...

எனக்குள் இருக்கும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய