Dinamalar

வரவேற்பு கிடைத்ததும் 'த ரோட்' படத்தைப் பற்றிப் பேசும் திரிஷா

அருண் வசீகரன் இயக்கத்தில், சாம் சிஎஸ் இசையமைப்பில், திரிஷா முதன்மைக் கதாபாத்திரத்தில் நடித்து நேற்று முன்தினம் அக்டோபர் 6ம் தேதி வெளியான படம் 'த ரோட்'. இப்படத்திற்காக வெளியீட்டிற்கு முன்பாக எந்த ஒரு நிகழ்விலும், புரமோஷன் நிகழ்விலும் திரிஷா கலந்து கொள்ளவில்லை. படத்தின் டிரைலரை அவருடைய டுவிட்டர் தளத்தில் பகிர்ந்ததோடு நிறுத்திக் கொண்டார். அதன்பின் படம் வெளியாகும் வரை அதைப் பற்றி கண்டு கொள்ளவேயில்லை.

இந்நிலையில் நேற்று முன்தினம் வெளியான படத்திற்கு விமர்சகர்களிடமிருந்து பாசிட்டிவ்வான வரவேற்பு கிடைக்க ஆரம்பித்தது. ஒரு பரபரப்பான திரில்லராக படத்தைக் கொடுத்திருக்கிறார் இயக்குனர் அருண் வசீகரன். திரிஷாவின் நடிப்பும் நன்றாக இருக்கிறது என ரசிகர்களும் பாராட்ட ஆரம்பித்தார்கள். அப்படியான வரவேற்பை எதிர்பார்க்காத திரிஷா கடந்த இரண்டு நாட்களாக படத்தைப் பற்றி சமூக வலைத்தளங்களில் அதிகம் பகிர ஆரம்பித்துள்ளார்.

தற்போது 'விடாமுயற்சி' படத்தின் படப்பிடிப்பிற்காக அஜர்பைஜான் நாட்டில் இருக்கும் திரிஷா அங்கிருந்து வீடியோ ஒன்றை வெளியிட்டிருக்கிறார். அதில் 'த ரோட்' படத்திற்கு ரசிகர்களும், விமர்சகர்களும் கொடுக்கும் ஆதரவுக்கு நன்றி தெரிவித்துள்ளார். படம் வெளியாகும் போது தன்னால் ஊரில் இருக்க முடியவில்லை என்று கூறியிருக்கிறார். இதையே படம் வெளியாவதற்கு முன்பு செய்திருந்தால் அது படத்தின் ஓபனிங்கிற்கு பெரிதும் உதவியிருக்கும் என்று கோலிவுட்டில் கருத்து தெரிவிக்கிறார்கள்.

• 
  'கடார் 3' உறுதி ; அமிஷா பட்டேல் வெளியிட்ட தகவல்
• 
  மூன்றாம் பாலினத்தவர்கள் கடவுளின் குழந்தைகள்: ஆசிம் கெதர்பால்
• 
  வாரிசு நட்சத்திரங்களால் பல வாய்ப்புகளை இழந்தேன் ; கிர்த்தி சனோன் வேதனை
• 
  ராகினி எம்எம்எஸ் 3 திரில்லர் படத்தில் இணைந்த தமன்னா
• 
  கிரிக்கெட் வீரர் பயோபிக்கில் மீண்டும் இணையும் 'லகான்' கூட்டணி

• 
  சிறப்பு காட்சி பார்த்துவிட்டு புகழ்வதை நம்பாதீங்க : தெளிவான சினிமா ...
• 
  நுாறுசாமி கதை உருவானது எப்படி?
• 
  முதல்வர் விஜய் - ரஜினி சந்திப்பு நடக்குமா? நண்பரை நேரில் வாழ்த்துவாரா ...
• 
  விஜய் பதவியேற்பு விழாவில் த்ரிஷா : இந்திய அளவில் வைரல்
• 
  பவன் கல்யாண் வீட்டிற்குச் சென்று நலம் விசாரித்த பிரதமர் மோடி