Dinamalar

‛அயலான்' படம் குழந்தைகளுக்கு தவறான விஷயத்தை புகுத்தாது - சிவகார்த்திகேயன்

ரவிக்குமார் இயக்கத்தில் சிவகார்த்திகேயன், ரகுல் ப்ரீத் சிங், இஷா கோபிகர் உள்ளிட்டோர் நடிப்பில் உருவாகி உள்ள படம் ‛அயலான்'. ஏலியன் தொடர்பான கதையை மையமாக வைத்து சயின்ஸ் பிக்ஷன் படமாக எடுத்துள்ளனர். கிட்டத்தட்ட 5 ஆண்டுகளாக இந்த படம் தயாரிப்பில் உள்ளது. தற்போது படம் இறுதிக்கட்டத்தை எட்டி உள்ளது. வருகிற பொங்கலுக்கு ரிலீஸாக உள்ளது.

முன்னதாக நேற்று படத்தின் டீசர் வெளியானது. இந்த நிகழ்வில் பேசிய சிவகார்த்திகேயன், ‛‛தீபாவளிக்கு படத்தை வெளியிட திட்டமிட்டோம். ஆனால் விஎப்எக்ஸ் பணிகள் முடியாததால் பொங்கலுக்கு வெளியிடுகிறோம். ரவிக்குமார் தமிழ் வழியில் கல்வி படித்தவர். ஆனால் அறிவியலின் பல்வேறு விஷயங்களை தெரிந்து வைத்துள்ளார். 95 நாட்களில் இந்த படத்தை எடுத்து முடித்துவிட்டார்.

இதற்கு முன்னர் எம்ஜிஆர் இதுபோன்ற ஏலியன் வைத்து ஒரு படம் எடுக்க முயற்சித்தார். அவருக்கு பின் இப்போது நாம் தான் அதுமாதிரி படம் எடுத்துள்ளோம் என்று முத்துராஜ் சொன்னார். உடனே எம்.ஜி.ஆருக்கு அடுத்து நான் தான் என்று சிவகார்த்திகேயன் சொன்னார் என்று போட்டுவிடாதீர்கள். இது குழந்தைகளுக்கான படம், குழந்தை போன்று மனம் கொண்டவர்ளுக்கான படம். குழந்தைகளுக்கு தவறான விஷயத்தை புகுத்தும் படமாக அயலான் இருக்காது. இந்த படத்திற்கு பக்கபலமாய் இசையமைப்பாளர் ஏஆர் ரஹ்மான் இருந்தார்.

பணப்பிரச்னையால் இந்த படம் ஒருமுறை சிக்கியது. அப்போது சம்பளம் வாங்காமல் நான் நடிக்கிறேன் என்றேன். பணத்தை இழந்தாலும் ரவிக்குமார் எனும் சொத்தை சம்பாதித்துள்ளேன். அயலான் பொங்கல் அன்று வருவான் கவருவான்,'' என்றார்.

• 
  பிராமணர்கள் குறித்து அவதுாறு கருத்து: மன்னிப்பு கேட்டார் 'மஹாராஜா' ...
• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...

• 
  சினிமாவை வாழ விடுங்கள்: நடிகை விஜயசாந்தி
• 
  'கங்குவா' டிரைலரில் பாதி பார்வைகள் பெற்ற 'ரெட்ரோ' டிரைலர்
• 
  வரதட்சணை வாங்கி திருமணம் செய்து கொண்டேனா? ரம்யா பாண்டியன் கொடுத்த ...
• 
  சிவப்பு நிறத்தில் புதிய கார் வாங்கிய ஏ. ஆர். ரஹ்மான்!
• 
  ‛போய் வா நண்பா': ‛குபேரா' படத்தின் பர்ஸ்ட் சிங்கிள் வெளியானது!