Dinamalar

ஒரே நாளில் இரண்டு இலங்கைத் தமிழ் ஹீரோக்களின் படங்கள் ரிலீஸ்

2025ம் ஆண்டின் எட்டாவது மாதமான ஆகஸ்ட் மாதம் இன்று 1ம் தேதி 7 தமிழ்ப் படங்கள் வெளியாகி உள்ளன. அவற்றில் 'சரண்டர், உசுரே' ஆகிய இரண்டு படங்களில் இலங்கைத் தமிழர்கள் ஹீரோக்களாக நடித்துள்ளார்கள்.

'சரண்டர்' படத்தில் பிக் பாஸ் மூலம் பிரபலமான தர்ஷன் கதாநாயகனாக நடித்துள்ளார். இவர் இதற்கு முன்பு 'கூகுள் குட்டப்பா, நாடு' ஆகிய படங்களில் கதாநாயகனாக நடித்துள்ளார். இலங்கையிலிருந்து வந்து பிக் பாஸ் சீசன் 3 நிகழ்ச்சியில் கலந்து கொண்டு பிரபலமாகி, பின்னர் தமிழ்ப் படங்களில் நடிக்க ஆரம்பித்தார்.

'உசுரே' படத்தில் கதாநாயகனாக நடித்துள்ளவர் டீஜெ அருணாச்சலம். தனி இசை ஆல்பம் வெளியிட்டு பிரபலமான டீஜெ பின்னர் தனுஷ் நடித்த 'அசுரன்' படத்தில் அவரது மூத்த மகனாக நடித்தார். பின்னர் 'பத்து தல, பேட் கேர்ள்' ஆகிய படங்களிலும் நடித்துள்ளார். இலங்கையிலிருந்து அகதியாகச் சென்று லண்டனில் செட்டிலானவர்.

'உசுரே' படத்தில் கதாநாயகியாக அறிமுகமாகி உள்ள ஜனனியும் இலங்கைத் தமிழர்தான். பிக் பாஸ் சீசன் 6ல் கலந்து கொண்டவர். இலங்கையில் உள்ள டிவியில் நிகழ்ச்சி தொகுப்பாளராக இருந்து பிரபலமானவர். இன்று வெளியான படங்களில் மூன்று இலங்கைத் தமிழர்கள் முதன்மைக் கதாபாத்திரங்களில் நடித்துள்ளார்கள்.

• 
  ஷாரூக்கானின் கிங் படத்தில் இணைந்த ஹாலிவுட் ஸ்டன்ட் மாஸ்டர்கள்
• 
  நகை கடத்தல் நடிகையின் கூட்டாளி நடிகருக்கு சிறையில் சொகுசு வசதி ; வெளியான ...
• 
  இரண்டு கைகளிலும் கடிகாரம் அணிவது ஏன் ? ; அபிஷேக் பச்சனின் அடடே விளக்கம்
• 
  ஏழு வருட இடைவெளிக்கு பிறகு வெளியாகும் அனுஷ்கா சர்மாவின் படம்
• 
  கத்ரினா கைப் - விக்கி கவுஷல் நட்சத்திர தம்பதிக்கு ஆண் குழந்தை பிறந்தது!

• 
  ரஜினி 173வது படத்தில் கெஸ்ட் ரோலில் நடிக்கிறாரா கமல்?
• 
  பராசக்தி படத்தின் டப்பிங் பணியில் ரவி மோகன்
• 
  மீண்டும் சிறப்பு பாடலுக்கு நடனமாடிய ஸ்ரேயா சரண்
• 
  தேரே இஸ்க் மெயின் படத்தில் பிரபுதேவா?
• 
  ரிவால்வர் ரீட்டா படத்தின் புதிய ரிலீஸ் தேதி அறிவிப்பு