Dinamalar

தமிழில் அறிமுகமாகிறாரா ஸ்ரீதேவியின் இரண்டாவது மகள்?

தமிழ், தெலுங்கு, ஹிந்தி என தான் நடித்த காலத்தில் மூன்று மொழிகளிலுமே முன்னணி நடிகையாக இருந்து இந்தியாவின் கனவுக்கன்னி என அழைக்கப்பட்டவர் மறைந்த நடிகை ஸ்ரீதேவி. பிரபல தயாரிப்பாளர் போனிகபூரைக் காதல் திருமணம் செய்து கொண்டார். அவர்களுக்கு ஜான்வி கபூர், குஷி கபூர் என இரண்டு மகள்கள்.

ஜான்வி கபூர் ஹிந்திப் படங்களில் நடிக்க ஆரம்பித்து தற்போது தெலுங்கில் ஜுனியர் என்டிஆர் ஜோடியாக 'தேவரா' படத்தில் நடித்து வருகிறார். குஷி கபூர் ஹிந்தியில் ஓடிடியில் வெளியாக உள்ள 'த ஆர்ச்சிஸ்' என்ற படத்தில் நடிகையாக அறிமுகமாகியுள்ளார்.

இந்நிலையில் குஷி கபூர் தமிழ்ப் படம் ஒன்றில் நடிக்க இருப்பதாகத் தகவல் வெளியாகியுள்ளது. விக்னேஷ் சிவனின் உதவியாளர் ஆகாஷ் இயக்கத்தில், அனிருத் இசையமைப்பில், அதர்வா கதாநாயகனாக நடிக்க உள்ள ஒரு படத்தில் கதாநாயகியாக நடிக்க குஷி சம்மதித்துள்ளதாகச் சொல்கிறார்கள். முற்றிலும் அமெரிக்காவில் படமாக உள்ள இப்படத்தை லைக்கா நிறுவனம் தயாரிக்கிறதாம்.

இதற்கு முன்பு ஜான்வி கபூர் தமிழில் அறிமுகமாக உள்ளார் என்ற செய்திகள் வந்த போது அது தவறான செய்தி என்று மறுத்தார் போனி கபூர். தற்போது குஷி கபூர் பற்றி வந்துள்ள செய்திக்கு அவர் என்ன சொல்லப் போகிறார் என காத்திருக்கிறார்கள்.

• 
  ஆக்ஷன் மோட் ஆன் : துரந்தர் 2 டிரைலர் வெளியானது
• 
  வதந்திகளுக்கு முற்றுப்புள்ளி: 'துரந்தர்- 2' படத்தின் டிரைலர் நாளை ...
• 
  மூன்று வருடங்களுக்கு பிறகு மீண்டும் நடிப்புக்கு திரும்பிய ஐஸ்வர்யா ராய்
• 
  ஓய்வு பெற துடிக்கும் சூப்பர் ஹீரோ கதாபாத்திரத்தில் நடிக்கும் சல்மான் ...
• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது

• 
  ஜனநாயகன் குறித்து மகிழ்ச்சியான செய்தி
• 
  திருமணத்திற்கு ஜோடியாக வந்ததற்கு பதிலடிதான் சங்கீதாவின் புதிய மனு ?
• 
  சிரஞ்சீவி, கமல் உள்ளிட்டோருக்கு 2025ன் தெலங்கானா மாநில சினிமா விருதுகள் ...
• 
  'மேட் இன் கொரியா' இயக்குனர் மனைவியின் கதை : பிரியங்கா மோகன்
• 
  இசையில் மட்டும்தான் கவனம்: நடிப்பு தகவலுக்கு முற்றுப்புள்ளி வைத்த சாய் ...