Dinamalar

'ஜவான்' வெளியீட்டடால் நேரடி தமிழ்ப் படங்களுக்கு சிக்கல்

தமிழ் இயக்குனர் அட்லீ இயக்கத்தில், தமிழ் இசையமைப்பாளர் அனிருத் இசையமைப்பில், ஹிந்தி நடிகரான ஷாரூக்கான் நடித்து செப்டம்பர் 7ம் தேதி வெளிவர உள்ள ஹிந்திப் படம் 'ஜவான்'. தமிழிலும் டப்பிங் ஆகி வெளியாக உள்ள இப்படத்தில் நயன்தாரா, விஜய் சேதுபதி, யோகிபாபு மற்றும் பலர் நடித்துள்ளதால் இந்த வாரம் வெளியாக உள்ள நேரடித் திரைப்படங்களுக்குத் தியேட்டர்கள் கிடைப்பதில் சிக்கல் எழுந்துள்ளது.

ஹிந்தி, தமிழ், தெலுங்கு ஆகிய மொழிகளில் இப்படம் தமிழகம் முழுவதும் பல தியேட்டர்களில் வெளியாகிறது. இதோடு, தெலுங்கிலிருந்து தமிழில் டப்பிங் ஆகியுள்ள அனுஷ்காவின் 'மிஸ் ஷெட்டி மிஸ்டர் பெலிஷெட்டி' படமும் செப்டம்பர் 7ம் தேதி வெளியாக உள்ளது.

செப்டம்பர் 7ம் தேதி 'தமிழ்க்குடிமகன்', செப்டம்பர் 8ம் தேதி 'ஓங்கி அடிச்சா ஒன்ற டன்னு வெய்ட்டுடா, நூடுல்ஸ், துடிக்கும் கரங்கள், ஸ்ட்ரைக்கர், பரிவர்த்தனை, அங்காரகன், ரெட் சான்டல்,' ஆகிய படங்கள் வெளியாக உள்ளதாக அறிவிக்கப்பட்டுள்ளது. 'ஜவான்' படத்தால் இந்த நேரடிப் படங்கள் அதிக தியேட்டர்களில் வெளியாக முடியவில்லை.

தமிழில் வெளிவந்த 'ஜெயிலர்' படம் மற்ற தென்னிந்திய மாநிலங்களில் 200 கோடிக்கும் அதிகமான வசூலைக் குவித்தது. அதனால், அந்தந்த மொழிகளில் வெளியான சில நேரடிப் படங்கள் படுதோல்வியை சந்தித்தன. 'ஜெயிலர்' படத்தைப் போன்றே 'ஜவான்' படமும் தென்னிந்தியாவில் சாதனை வசூலைப் பெறும் என எதிர்பார்க்கப்படுகிறது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா