Dinamalar

ஆஸ்ட்ரா பட விழாவில் 'ஜவான்'

அட்லீ இயக்கத்தில் ஷாரூக்கான், நயன்தாரா, தீபிகா படுகோனே மற்றும் விஜய் சேதுபதி நடிப்பில் உருவான 'ஜவான்' படத்தை, கவுரி கானின் தயாரிப்பு நிறுவனமான ரெட் சில்லிஸ் என்டர்டெயின்மென்ட் தயாரித்தது. தற்போது இந்த படம் 2024ம் ஆண்டுக்கான 'ஆஸ்ட்ரா விருது' விழாவில் திரையிட இந்தியாவின் சார்பில் பரிந்துரைக்கப்பட்டுள்ளது.

ஆஸ்ட்ரா விருது ஆஸ்திரேலியாவில் உள்ள டெலிவிஷன் அசோசியேஷனால் வழங்கப்படுவதாகும். உலகின் பல நாடுகளிலிருந்து பரிந்துரைக்கப்பட்ட பல சிறந்த படங்களான அனாடமி ஆப் எ பால் (பிரான்ஸ்), கான்க்ரீட் உட்டோபியா (தென் கொரியா), பாலன் லீவ்ஸ் (பின்லாந்து) பெர்பெக்ட் டேஸ் (ஜப்பான்), ரேடிகல் (மெக்சிகோ), சொசைட்டி ஆப் தி ஸ்னோ (ஸ்பெயின்), தி டேஸ்ட் ஆப் திங்ஸ் (பிரான்ஸ்), தி டீச்சர்ஸ் லவுஞ்ச் (ஜெர்மனி) மற்றும் தி சோன் ஆப் இன்ரஸ்ட் (யுனைடெட் கிங்டம்) போன்ற படங்களுடன் கலந்துகொண்ட ஒரே இந்தியப்படம் 'ஜவான்'.

இந்த நிகழ்வில் இயக்குநர் அட்லீ இந்தியா நாட்டினை பிரதிநிதித்துவப்படுத்தி கலந்து கொண்டார். இந்நிகழ்வில் கோல்டன் குளோப் விருதுகளுக்கு பரிந்துரைக்கப்பட்ட மற்ற முக்கிய பிரபலங்களும் கலந்து கொண்டனர். ஜவான் படம் உலகளவில் பிரபலமான பார்பி, ஓப்பன்ஹெய்மர், கில்லர் ஆப் தி ப்ளவர் மூன், ஜான் விக், ஸ்பைடர் மேன்: அக்ராஸ் தி ஸ்பைடர் வெர்ஸ் மற்றும் பல பாக்ஸ் ஆபிஸ் பட்டியலிலும் இணைந்துள்ளது.

• 
  மீண்டும் இயக்குனராக களமிறங்கும் பிரபுதேவா!
• 
  ரஜினி பிறந்தநாளில் ‛ஜெயிலர் 2' சர்ப்ரைஸ்!
• 
  மகத் ராகவேந்திரா, ஐஸ்வர்யா ராஜேஷ் இணைந்து நடிக்கும் புதிய படம்!
• 
  இசை பல்கலைக்கழகத்தில் பாடகி மாலதி லக்ஷ்மனுக்கு முக்கிய பொறுப்பு
• 
  பிளாஷ்பேக்: மொழி மாற்றம் செய்து வியாபாரப் போட்டியில் வென்று காட்டிய ஏ வி ...

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது