Dinamalar

'ஜெயிலர்' முதல் நாள் வசூல் : முதல் கட்டத் தகவல்

நெல்சன் இயக்கத்தில், ரஜினிகாந்த், மோகன்லால், சிவராஜ்குமார், தமன்னா மற்றும் பலர் நடிப்பில் பெரும் எதிர்பார்ப்புடன் நேற்று வெளியான படம் 'ஜெயிலர்'. படம் வெளியான முதல் நாளிலேயே தென்னிந்திய அளவில் சிறப்பான வரவேற்பு கிடைத்துள்ளதாக பாக்ஸ் ஆபீஸ் வட்டாரங்கள் தெரிவிக்கின்றன.

இதுவரை கிடைத்துள்ள அதிகாரப்பூர்வமற்ற தகவல்படி தமிழகத்தில் 22 கோடி, கர்நாடகாவில் 12 கோடி, ஆந்திரா, தெலங்கானாவில் 15 கோடி, கேரளாவில் 6 கோடி, வட இந்தியாவில் 2 கோடி, அமெரிக்காவில் 12 கோடி, இதர வெளிநாடுகளில் 20 கோடி என மொத்தமாக உலக அளவில் 89 கோடி வரை வசூலித்திருக்கலாம் என தகவல் வெளியாகி உள்ளது.

தமிழகத்தில் இந்த படத்திற்கு அதிகாலை மற்றும் சிறப்பு காட்சிகளுக்கு அனுமதி அளிக்கப்படவில்லை. ஒருவேளை அந்தக்காட்சிகளுக்கும் அனுமதி அளிக்கப்பட்டிருந்தால் இந்த படத்தின் வசூல் இன்னும் அதிகமாக இருந்திருக்கும்.

தமிழகத்தைத் தவிர இதர தென்னிந்திய மாநிலங்களில் இப்படத்திற்கு எதிர்பார்த்ததை விடவும் சிறப்பான வரவேற்பு கிடைப்பதாகச் சொல்கிறார்கள். ரஜினி ரசிகர்களுக்குப் படம் மிகவும் பிடித்திருந்தாலும், நடுநிலை ரசிகர்களுக்கு இடைவேளைக்குப் பின் படம் தடுமாறுகிறது என்ற கருத்து அதிகம் வெளியாகி உள்ளது.

இந்த வார இறுதிவரை படத்திற்கான முன்பதிவு சிறப்பாக நடந்துள்ளதால் 200 கோடி வசூலை நான்கு நாட்களில் கடக்க வாய்ப்புள்ளது என்று தகவல்.

• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...
• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு

• 
  விஷால் வீட்டில் 4வது காதல் திருமணம்
• 
  'அமரன்' வெற்றியைத் தக்க வைத்துக் கொள்வாரா 'மதராஸி' ?
• 
  ரிலீஸ் தேதி குழப்பத்தில் 'கருப்பு' : காத்திருக்கும் ரசிகர்கள்
• 
  பிளாஷ்பேக் : சூப்பர் ஸ்டாருக்கு பெயர் சூட்டிய சூப்பர் ஸ்டார்
• 
  பிளாஷ்பேக் : பாரதிராஜா இயக்கதில் நடிக்க மறுத்த சன்னி தியோல்