Dinamalar

யு டியூப் வீடியோ 'வியூஸ்'களில் முதலிடத்தில் பிரபாஸ்

இந்திய அளவில் நம்பர் 1 நடிகர் யார் என்ற கேள்வி கடந்த சில வருடங்களில் அதிகமாகி உள்ளது. முன்பெல்லாம் ஹிந்தி நடிகர்களைத்தான் அந்த டாப் 10 பட்டியலில் வைப்பார்கள். ஆனால், 'பாகுபலி 2, கேஜிஎப் 2, ஆர்ஆர்ஆர்' என தென்னிந்திய படங்களின் மாபெரும் வெற்றிக்குப் பிறகு அப்பட்டியலில் தென்னிந்திய நடிகர்களும் இடம் பெற ஆரம்பித்துவிட்டார்கள்.

இந்த டிஜிட்டல் யுகத்தில் யு டியூப் தளத்தில் வெளியாகும் டீசர், டிரைலர் மற்ற வீடியோக்கள் ஆகியவற்றை வைத்து பார்க்கும் போது அவற்றில் தற்போது முதலிடத்தில் இருப்பவர் பிரபாஸ் தான். 'பாகுபலி 2' படத்திற்குப் பிறகு அவர் நடித்து வெளிவந்த 'சாஹோ, ராதேஷ்யாம், ஆதிபுருஷ்' ஆகியவை வியாபார ரீதியாக பெரிய வெற்றியைப் பெறவில்லை என்றாலும் அவற்றின் யு டியுப் வீடியோக்கள், குறிப்பாக டீசர், டிரைலர்கள் ஆகியவை பல மில்லியன் வியூஸ்களைப் பெற்றுள்ளது.

'பாகுபலி 2' ஹிந்தி டிரைலர் 126 மில்லியன் வியூஸ், 'சாஹோ' ஹிந்தி டிரைலர் 104 மில்லியன் வியூஸ், 'ராதே ஷ்யாம்' டிரைலர் 61 மில்லியன் வியூஸ், 'ஆதி புருஷ்' டிரைலர் 86 மில்லியன் வியூஸ், அடுத்து வெளியாக உள்ள 'சலார்' டீசர் 120 மில்லியன் வியூஸ் என மற்ற ஹீரோக்களின் படங்களைக் காட்டிலும் அதிக வியூஸ்களைப் பெற்றுள்ளன.

பாலிவுட்டின் டாப் நடிகர்களில் ஒருவரான ஷாரூக்கான் நடித்து அதிகம் எதிர்பார்க்கப்படும் 'ஜவான்' டிரைலர் இதுவரையில் 66 மில்லியன் வியூஸ்களையே கடந்துள்ளது. தற்போது வெளியாகி உள்ள பிரபாஸின் 'கல்கி 2898 எடி' வீடியோ முன்னோட்டம் 12 மணி நேரத்தில் 5 மில்லியன் பார்வைகளைக் கடந்துள்ளது. இதுவும் அதிக வியூஸ்களை அடுத்து வரும் நாட்களில் பெறலாம்.

இந்திய அளவில் அதிக வியூஸ்களைப் பெற்ற டீசர்களில் யஷ் நடித்த 'கேஜிஎப் 2' டீசர் 272 மில்லியன் வியூஸ்களுடன் முதலிடத்தில் உள்ளது. அந்த சாதனை இன்னும் எந்த ஒரு ஹிந்தி ஹீரோக்களாலும் முறியடிக்கப்படாமல் இருக்கிறது.

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  நீதிமன்றத்தில் நியாயம் கேட்கும் நாய்
• 
  பிளாஷ்பேக் : எம்.ஜி.ஆருடன் வாள் சண்டை போட்ட நடிகை
• 
  பிளாஷ்பேக் : எம்.ஜி.ஆருடன் மவுன யுத்தம் நடத்திய ஏ.எல்.சீனிவாசன்
• 
  ''அப்பா ஒரு குழந்தை; ஆதாரமற்ற வதந்திகளை பரப்பாதீர்கள்'' - ஏ.ஆர்.ரஹ்மான் ...
• 
  அழகுக்காக ஸ்ரீதேவி பட்ட சிரமம் : போனி கபூர் தகவல்