Dinamalar

6 நாட்கள் இடைவெளியில் அடுத்தடுத்து வெளியாகும் பஹத் பாசில் படங்கள்

கடந்த பத்து ஆண்டுகளுக்கு மேலாக மலையாள திரையுலகில் மட்டுமே கவனம் செலுத்தி வந்தவர் நடிகர் பஹத் பாசில். சமீபகாலமாக தமிழ், தெலுங்கிலும் நுழைந்து விக்ரம் மற்றும் புஷ்பா ஆகிய படங்களின் மூலம் மிகப்பெரிய வரவேற்பை இங்குள்ள ரசிகர்களிடமும் பெற்றுள்ளார். இதை தொடர்ந்து அடுத்ததாக தற்போது மாரி செல்வராஜ் இயக்கத்தில் உதயநிதி ஸ்டாலின் நடித்துள்ள மாமன்னன் திரைப்படத்தில் வில்லன் கதாபாத்திரத்தில் நடித்துள்ளார் பஹத் பாசில். இந்த படம் வரும் ஜூன் 29ம் தேதி வெளியாக இருக்கிறது.

இந்த நிலையில் இவர் மலையாளத்தில் நடித்துள்ள தூமம் திரைப்படம் இதற்கு முன்னதாக வரும் ஜூன் 23ம் தேதி வெளியாக இருக்கிறது. இந்த படத்தை கன்னடத்தில் லூசியா உள்ளிட்ட வித்தியாசமான படங்களை இயக்கி புகழ் பெற்ற இயக்குனர் பவண்குமார் இயக்கியுள்ளார். கன்னட இயக்குனர் என்றாலும் இந்த படம் நேரடி மலையாள படமாகவே உருவாகியுள்ளது.

இந்த படத்தில் கதாநாயகியாக அபர்ணா பாலமுரளி நடித்துள்ளார். வித்தியாசமான கதைக்களத்தில் உருவாகியுள்ள இந்த படம் சஸ்பென்ஸ் திரில்லர் ஆக உருவாகி உள்ளது. அந்த வகையில் ஆறு நாட்கள் இடைவெளியில் பஹத் பாசில் ஹீரோ, வில்லன் இருவித கதாபாத்திரங்களில் நடித்துள்ள இரண்டு படங்கள் அடுத்தடுத்து வெளியாவது பஹத் பாசில் ரசிகர்களுக்கு நல்ல விருந்தாக இருக்கும் என்பதில் சந்தேகம் இல்லை.

• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'
• 
  ஏர் இந்தியா விமான சேவை மீது சிதார் இசைக் கலைஞர் ரவிசங்கரின் மகள் ...
• 
  தொடரும் பட ஹிந்தி ரீமேக்கில் அஜய் தேவகன் : இயக்குனர் தருண் மூர்த்தியின் ...
• 
  ‛பார்டர் 2'வில் தில்ஜித் தோசன்ஜ் முதல் பார்வை வெளியீடு

• 
  சமந்தாவுக்கு விலை உயர்ந்த திருமண பரிசு கொடுத்த ராஜ் நிடிமொரு
• 
  ‛கோழிப்பண்ணை செல்லத்துரை' நாயகனின் அடுத்த படம் ‛ஹைக்கூ'
• 
  அஜித்தின் கார் ரேஸை ஆவண படமாக்கும் ஏ.எல்.விஜய்
• 
  ரஜினி படத்திற்கு இசையமைக்கும் சாய் அபயன்கர்
• 
  ரவி தேஜா,பிரியா பவானி சங்கர் படத்தின் தலைப்பு இருமுடி?