Dinamalar

4 ஆண்டுகளுக்கு பிறகு பெரிய திரையில் தோன்றும் வித்யாபாலன்

பாலிவுட் நடிகை வித்யாபாலன். தென்னிந்தியாவில் இருந்து சென்று பாலிவுட்டில் சாதனை படைத்தவர். சில்க் ஸ்மிதாவின் வாழ்க்கை கதையில் நடித்து தேசிய விருது பெற்றவர். கடைசியாக அவர் நடித்து தியேட்டரில் வெளியான படம் 'மிஷன் மங்கள்'. 2019ம் ஆண்டு வெளிவந்தது. அதன் பிறகு கொரோனா தொற்றால் அவரது படங்கள் தியேட்டரில் வெளியாகவில்லை.

'மிஷன் மங்கள்' படத்திற்கு பிறகு அவர் நடித்த சகுந்தலாதேவி, ஷெரின், ஜல்சா படங்கள் ஓடிடி தளத்தில் வெளியானது. தற்போது அவர் நடித்து முடித்துள்ள 'நீயத்' என்ற படம் ஜூலை 7ம் தேதி தியேட்டர்களில் வெளிவருவதாக அறிவிக்கப்பட்டுள்ளது. பிரைம் வீடியோ மற்றும் விக்ரம் மல்ஹோத்ரா தலைமையிலான அபுண்டாண்டியா என்டர்டெயின்மென்ட் தயாரித்துள்ள இப்படத்தை அனு மேனன் இயக்கி உள்ளார். இது துப்பறியும் கிரைம் த்ரில்லர் படம்.

தற்போது மேலும் ஒரு இந்திப் படத்தில் நடித்து வரும் வித்யா பாலன், தமிழில் மணிரத்னம் இயக்கத்தில் கமல் நடிக்கும் படத்தில் அவருக்கு ஜோடியாக நடிக்கிறார். ஆரம்ப காலகட்டங்களில் தமிழ் சினிமாவால் புறக்கணிக்கப்பட்டவர் வித்யா பாலன். அந்த கோபத்தில் தமிழ் படத்தில் பல வாய்ப்புகள் வந்தும் நடிக்க மறுத்து வந்தார் என்பது குறிப்பிடத்தக்கது.

• 
  சமந்தாவுக்கு விலை உயர்ந்த திருமண பரிசு கொடுத்த ராஜ் நிடிமொரு
• 
  ‛கோழிப்பண்ணை செல்லத்துரை' நாயகனின் அடுத்த படம் ‛ஹைக்கூ'
• 
  அஜித்தின் கார் ரேஸை ஆவண படமாக்கும் ஏ.எல்.விஜய்
• 
  ரஜினி படத்திற்கு இசையமைக்கும் சாய் அபயன்கர்
• 
  ரவி தேஜா,பிரியா பவானி சங்கர் படத்தின் தலைப்பு இருமுடி?

• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'
• 
  ஏர் இந்தியா விமான சேவை மீது சிதார் இசைக் கலைஞர் ரவிசங்கரின் மகள் ...
• 
  தொடரும் பட ஹிந்தி ரீமேக்கில் அஜய் தேவகன் : இயக்குனர் தருண் மூர்த்தியின் ...
• 
  ‛பார்டர் 2'வில் தில்ஜித் தோசன்ஜ் முதல் பார்வை வெளியீடு