Dinamalar

அஜித் பட தயாரிப்பாளர் எஸ்எஸ் சக்கரவர்த்தி காலமானார்

அஜித்தின் ஆஸ்தான தயாரிப்பாளரான நிக் ஆர்ட்ஸ் எஸ்எஸ் சக்கரவர்த்தி உடல்நலக் குறைவால் சென்னையில் காலமானார். கடந்த 8 மாதங்களாக புற்றுநோயால் அவதிப்பட்டு அதற்கான சிகிச்சையில் இருந்து வந்தார். சென்னை, கேகே நகர் பகுதியில் வசித்து வந்த அவர் நோயின் தாக்கம் தீவிரமாக நேற்று நள்ளிரவு காலமானார்.

சக்கரவர்த்தி, நிக் ஆர்ட்ஸ் என்ற பெயரில் தயாரிப்பு நிறுவனம் நடத்தி வந்தார். இவர் தயாரித்த படங்களில் பெரும்பாலானவை அஜித்தின் படங்கள். அஜித்தின் ரெட்டை ஜடை வயசு படத்தில் ஆரம்பித்த இவர்களின் கூட்டணி தொடர்ந்து வாலி, முகவரி, சிட்டிசன், ரெட்டி, வில்லன், ஜி, ஆஞ்சனேயா, வரலாறு வரை தொடர்ந்தது. சிம்புவை வைத்து காளை மற்றும் வாலு படங்களை தயாரித்துள்ளார்.

தனது மகன் ஜானியையும் ஹீரோவாக்கி ரேணிகுண்டா மற்றும் 18 வயசு ஆகிய படங்களை தயாரித்தார். கடைசியாக வாலு படத்தை தயாரித்தவர் அதன்பின் பட தயாரிப்பில் இருந்து ஒதுங்கினார். கடந்தாண்டு விமல் நடித்து வெளிவந்து பாராட்டுகளை பெற்ற விலங்கு வெப்சீரிஸில் போலீஸ் வேடத்தில் நடித்து அசத்தியிருந்தார்.

இந்நிலையில் புற்றுநோயின் தாக்கத்தால் இவரது உயிர் சென்னையில் பிரிந்தது. மறைந்த சக்கரவர்த்திக்கு திரையுலகினர் பலரும் இரங்கல் தெரிவித்துள்ளனர்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா