Dinamalar

கமல்ஹாசனுக்கு கமர்ஷியல் சூப்பர் ஹிட்டாக அமைந்த 'காக்கி சட்டை'

தமிழ் சினிமாவில் கமர்ஷியல் நடிகர் என கமல்ஹாசனை அந்தக் காலத்தில் இருந்தே சொல்ல மாட்டார்கள். வித்தியாசமான நடிகர், பரீட்சார்த்த நடிகர் என வெவ்வேறு விதங்களாக அவரது பல திறமைகளை உள்ளடக்கிய விதங்களை மட்டுமே பாராட்டுவார்கள்.

குழந்தை நட்சத்திரமாக அறிமுகமாகி, வாலிப வயது வந்ததும் சில படங்களில் சிறிய வேடங்களில் நடித்து பின்னர் தான் கதாநாயகனாக உயர்ந்தார் கமல்ஹாசன். 80களின் ஆரம்பம்தான் அவருக்கு கதாநாயகனாக துவக்கமாக இருந்தது. அப்போது அவர் தனி கதாநாயகனாக நடித்த படங்கள் அதிகமாக வந்தன. சில படங்கள் தோல்வியும், சில படங்கள் வெற்றியும், சில படங்கள் விமர்சன ரீதியாக பாராட்டப்படுபவையாக மாறி மாறி வந்தன.

“வாழ்வே மாயம், மூன்றாம் பிறை, சகல கலா வல்லவன், தூங்காதே தம்பி தூங்காதே, ஒரு கைதியின் டைரி” ஆகிய படங்கள் அப்போதைய முக்கியமான படங்கள். இருந்தாலும் ஒரு ஆக்ஷன் ஹீரோவாக முழுமையான கமர்ஷியல் படமாக கமல் நடித்து 1984ம் ஆண்டு ஏப்ரல் 11ம் தேதி வெளிவந்த படம் 'காக்கி சட்டை'. நேற்றுடன் இப்படம் வெளிவந்து 39 ஆண்டுகள் ஆகிவிட்டது. ராஜ சேகர் இயக்கத்தில், இளையராஜா இசையமைப்பில், அம்பிகா, மாதவி, சத்யராஜ் மற்றும் பலர் நடித்த படம்.

போலீஸ் வேலையில் சேர ஆசைப்பட்டு முயன்று தோற்றுப் போனவர் கமல்ஹாசன். அதனால், கடத்தல் கும்பல் ஒன்றில் வேலைக்குச் சேர்கிறார். அவரே போலீசுக்கு மிகவும் சவாலாக இருந்து பல கடத்தல் வேலைகளைச் செய்கிறார். அதன்பின் என்ன நடக்கிறது என்பதுதான் படத்தின் கதை.

கமல்ஹாசனின் கமர்ஷியல் படங்களில் பெரிய வெற்றியைப் பெற்று வெள்ளிவிழாக் கொண்டாடிய படம். சத்யராஜின் 'தகடு தகடு' வசனம் அவரை புகழின் உச்சிக்குக் கொண்டு சென்று முன்னணி வில்லன் நடிகராக மாற்றியது. அம்பிகா, மாதவி என இரண்டு கதாநாயகிகள் படத்தில், அம்பிகாதான் கமலின் காதலி.

இளையராஜாவின் இசையில் “கண்மணியே பேசு, பூ போட்ட தாவணி, வானிலே தேனிலா, பட்டு கன்னம், நம்ம சிங்காரி சரக்கு” என அனைத்துப் பாடல்களுமே சூப்பர் ஹிட்டானது. மெலடி பாடல்கள் இன்றும் பலரது போன்களில் பிளே லிஸ்ட்டில் இருக்கும்.

ரஜினிகாந்த் அப்போது இப்படியான பல கமர்ஷியல் சூப்பர் ஹிட்டுகளைக் கொடுத்துக் கொண்டிருந்த போது தானும் சளைத்தவனல்ல என கமல்ஹாசனும் நடித்த ஒரு படம்.

• 
  'ரெய்டு-2' படத்தில் தமன்னாவின் 'நாஷா' கிளாமர் பாடல் வெளியீடு!
• 
  எனது கதையைத்தான் திருடி இருக்கிறார்கள் : 'லாபத்தா லேடிஸ்' கதாசிரியர் ...
• 
  ஆளே இல்லாத வீட்டிற்கு ஒரு லட்சம் கரண்ட் பில் : கங்கனா ஏற்படுத்திய ...
• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து

• 
  சோசியல் மீடியாவில் விமர்சித்த ரசிகர்களுக்கு திரிஷா கொடுத்த கமெண்ட்!
• 
  வேறு வழியின்றி விஜய் படத்தை இயக்கினேன் ; தங்கர் பச்சான் மகன் பட விழாவில் ...
• 
  அஜித் குறித்து நெகிழ்ச்சி பதிவிட்ட பிரியா பிரகாஷ் வாரியர்
• 
  'மதராஸி' படத்தின் ரிலீஸ் தேதி குறித்து புதிய அப்டேட்!
• 
  ராகவா லாரன்ஸின் 'காஞ்சனா 4, பென்ஸ்' படங்களின் நிலவரம் என்ன?