Dinamalar

சூரிக்கு அல்போன்ஸ் புத்ரன் பாராட்டு

வெற்றிமாறன் இயக்கத்தில் நகைச்சுவை நடிகர் சூரி முதன்முதலாக கதையின் நாயகனாக நடித்து இரண்டு பாகங்களாக உருவாகியுள்ள படம் விடுதலை. இந்த படத்தில் விஜய் சேதுபதி முக்கிய கதாபாத்திரத்தில் நடித்துள்ளார். இளையராஜா இசையமைத்துள்ளார். நேற்று வெளியான இதன் முதல் பாகத்தை பார்த்த ரசிகர்கள் அனைவருமே சூரியின் நடிப்பை எந்தவித குறையும் சொல்லாமல் மனம் திறந்து பாராட்டி வருகிறார்கள். குறிப்பாக இந்த படத்தில் எந்த இடத்திலும் ஒரு நகைச்சுவை நடிகராகவே அவரை பார்க்கவே முடியவில்லை என்று பலரும் தங்களது பாராட்டுகளை தெரிவித்துள்ளனர்.

இந்த நிலையில் நேற்று இந்த படத்தை பார்த்த பிரேமம் புகழ் பிரபல மலையாள இயக்குனர் அல்போன்ஸ் புத்ரனும், சூரியின் நடிப்பை சிலாகித்து பாராட்டியுள்ளார். இது குறித்து அவர் தனது சோசியல் மீடியா பக்கத்தில் வெளியிட்டுள்ள பதிவில், “இது சூரியின் மாற்றம் அல்ல.. பரிணாமம்.. சூரியை நம்பி அவரை இந்த விதமாக மாற்றுவதற்கு அழகான பாதை அமைத்துக் கொடுத்த வெற்றிமாறன் சாருக்கு நன்றி. சேதுண்ணா (விஜய்சேதுபதி) நீங்க இல்லாம தமிழ் சினிமா முன்னாடி போகாத மாதிரி உங்கள உருவாக்குனதுக்கு ஒரு சல்யூட்” என்று வெற்றிமாறன் மற்றும் விஜய்சேதுபதிக்கும் சேர்த்தே தனது பாராட்டுகளை தெரிவித்துள்ளார் அல்போன்ஸ் புத்ரன்.

• 
  சென்சார் போர்டின் இரட்டை நிலைப்பாடு ; தி கேரளா ஸ்டோரி இயக்குனர் ...
• 
  துபாயில் சிக்கிக்கொண்ட பாலிவுட் நடிகை ; உதவி கேட்டு பிரதமருக்கு கோரிக்கை
• 
  நடிப்பு உலகில் அடியெடுத்து வைத்த கிரிக்கெட் நடுவர் அனில் சவுத்ரி
• 
  துரந்தர் 2 படத்தின் முதல் விமர்சனத்தை வெளியிட்ட யாமி கவுதம்
• 
  தென்னிந்திய இயக்குனரை தேடும் ஹிருத்திக் ரோஷன்

• 
  'டாடா' போஸ்டர் ஸ்டைலில் 'விஸ்வநாத் அண்ட் சன்ஸ்' போஸ்டர்
• 
  சினிமாவை விட்டு விலக நினைத்தேன்: நிவேதிதா சதீஷ்
• 
  ஆங்கிலோ இந்திய பெண்ணை காதலிக்கும் வடசென்னை பையன்: 'அன்பே டயானா'வின் கதை
• 
  ராதிகாவை கிழவியாக மாற்றிய வினீஷ்
• 
  துபாயில் அஜித் பாதுகாப்பாக இருக்கிறார்: மேலாளர் தகவல்