Dinamalar

என்னை நிஜதொழில் அதிபர் என்றே நினைத்து விட்டார்கள்: கணேஷ் வெங்கட்ராம் சொல்கிறார்

விஜய் நடித்த வாரிசு படத்தில் வில்லன்களில் ஒருவராக நடித்திருந்தார் கணேஷ் வெங்கட்ராம். முகேஷ் என்கிற தொழில் அதிபராக நடித்திருந்தார். படத்தை பார்த்து விட்டு பல தொழில் அதிபர்கள் அவரை நிஜமான தொழில் அதிபர் என்று நினைத்து வாங்க பழகலாம் என்று அழைத்தார்களாம்.

இதுகுறித்து அவர் கூறியிருப்பதாவது: படத்தில் தொழில் அதிபராக நடித்ததால், நிஜ தொழில்துறையைச் சேர்ந்த பலர் என்னை அழைத்தார்கள். அவர்கள் அனைவரும் என்னுடன் பேசி பழக ஆர்வம் காட்டினார்கள். என்னை வேறு பரிமாணத்தில் பார்த்தார்கள், ஒரு நடிகராக அது எனக்கு மிகவும் முக்கியமானது என்று நினைக்கிறேன்.

நான் தெலுங்கு, ஹிந்தி மற்றும் மலையாள மொழித் திரைப்படங்களில் பல்வேறு பாத்திரங்களில் நடித்திருந்தாலும், தமிழில் போலீஸ் பாத்திரங்கள் அல்லது ஜென்டில்மேன் போன்ற கதாபாத்திரம் தாண்டி என்னைப் நடிக்க வைக்க யாரும் முன்வரவில்லை என்று நான் எப்போதும் ஆச்சரியப்பட்டு இருக்கிறேன். அது இப்படத்தில் நிறைவேறியது.

ஒரு நடிகராக எனது பயணம் எப்போதும் ஒவ்வொரு முறையும் என்னுடைய வெவ்வேறு அம்சங்களைப் பரிணமித்து வெளிப்படுத்துவதாக இருந்தது. அதிர்ஷ்டவசமாக, வாரிசுக்குப் பிறகு வித்தியாசமான வேடங்கள் எனக்கு வழங்கப்படும் என்று நான் நம்புகிறேன். அதற்காக நானும் முயற்சிப்பேன். என்கிறார் கணேஷ் வெங்கட்ராம்.

• 
  ராஜமவுலி படம் மூலம் இந்திய திரையுலகிற்கு திரும்புவது உற்சாகம் : ...
• 
  7500 தியேட்டர்களில் வெளியாகும் வார் 2
• 
  பிரியதர்ஷன், அக்ஷய் குமார் படத்தில் விலகிய நடிகர் மீண்டும் இணைந்தார்
• 
  தீபிகாவிற்கு கிடைத்த கவுரவம் : 2026 ‛‛ஹாலிவுட் வாக் ஆப் பேம்'' -விற்கு ...
• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?

• 
  'மாரீசன்' படம் ஜூலை 25ல் வெளியாகிறது
• 
  கால வரையறையின்றி ஒத்திவைக்கப்பட்ட அனுஷ்காவின் ‛காட்டி'
• 
  ஹீரோவாகும் ‛டூரிஸ்ட் பேமிலி' இயக்குனர் அபிஷன் ஜீவிந்த்
• 
  வேள்பாரி நாவலில் ரஜினிகாந்த்?
• 
  பாராட்டுக்கள் கிடைத்தும் வசூலை அள்ளாத 'கண்ணப்பா'