Dinamalar

தெலுங்குப் படங்களை விட அதிக தியேட்டர்களில் 'வாரிசு'

விஜய், ராஷ்மிகா மந்தனா மற்றும் பலர் நடிப்பில் வம்சி பைடிப்பள்ளி இயக்கத்தில் விஜய் நடித்துள்ள 'வாரிசு' படம் பொங்கலுக்கு தமிழ், தெலுங்கில் வெளியாக உள்ளது. இப்படத்தைப் பிரபல தெலுங்கு தயாரிப்பாளரும், வினியோகஸ்தருமான தில் ராஜு தயாரித்துள்ளார். அதனால், அவர் தெலுங்கானா, ஆந்திரா ஆகிய மாநிலங்களில் நேரடித் தெலுங்குப் படங்களை விட 'வாரிசு' படத்தின் தெலுங்கு டப்பிங்கான 'வாரிசுடு' படத்தை அதிக தியேட்டர்களில் வெளியிடுகிறார்.

இது தொடர்பாக கடந்த சில மாதங்களாகவே தெலுங்குத் திரையுலகத்தில் கடும் சர்ச்சை எழுந்தது. 'வாரிசுடு' படத்திற்கு அதிக தியேட்டர்களைக் கொடுக்கக் கூடாது என்றனர். அந்த சர்ச்சைகளை மீறி தற்போது 'வாரிசுடு' படம் நேரடித் தெலுங்குப் படங்களான சிரஞ்சீவியின் 'வால்டர் வீரய்யா', பாலகிருஷ்ணாவின் 'வீர சிம்ஹா ரெட்டி' ஆகியவற்றை விட அதிக தியேட்டர்களில் வெளியாகிறது.

உதாரணத்திற்கு முக்கிய மாநகரமான விசாகப்பட்டிணத்தில் 'வாரிசுடு' படம் 8 தியேட்டர்களிலும், 'வால்டர் வீரய்யா', 5 தியேட்டர்களிலும், 'வீரசிம்ஹா ரெட்டி' 4 தியேட்டர்களிலும் வெளியாகிறது. முக்கிய தியேட்டர்கள் அனைத்துமே 'வாரிசுடு' படத்திற்காக எப்போதோ ஒப்பந்தம் போடப்பட்டுவிட்டது என்கிறார்கள்.

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  வாழ்க்கை அழகானது... வரும் வாய்ப்பை விட்டுவிடாதீர்கள் : ரெட்ரோ பட விழாவில் ...
• 
  குஷ்புவின் எக்ஸ் தளத்தை முடக்கிய ஹேக்கர்கள்
• 
  சம்மரில் சூடு பிடிக்கும் தமிழ் சினிமா
• 
  மண்டாடி : திறமையான கூட்டணியுடன் களமிறங்கும் சூரி
• 
  ரீ என்ட்ரி தரும் அப்பாஸ்