Dinamalar

'கைதி' ஹிந்தி ரீமேக் 'போலா' டீசருக்கு அதிரடி வரவேற்பு

லோகேஷ் கனகராஜ் இயக்கத்தில், சாம் சிஎஸ் இசையமைப்பில், கார்த்தி, நரேன் மற்றும் பலர் நடிப்பில் 2019ல் தமிழில் வெளியான படம் 'கைதி'. வித்தியாசமான படமாக அமைந்து ரசிகர்களின் வரவேற்பைப் பெற்று பெரிய வெற்றியைப் பெற்றது இந்தப் படம்.

தமிழில் படத்தைத் தயாரித்த டிரீம் வாரியர் பிக்சர்ஸ், ஹிந்தியில் டி சீரிஸ், ரிலயன்ஸ் என்டர்டெயின்மென்ட், அஜய் தேவகன் பிலிம்ஸ் ஆகிய நிறுவனங்களுடன் இப்படத்தை இணைந்து தயாரிக்கிறது. அஜய் தேவகன் இயக்கி, கார்த்தி நடித்த கதாபாத்திரத்தில் அவரே நடிக்கிறார்.

இப்படத்தின் டீசர் நேற்று யு டியூபில் வெளியிடப்பட்டது. வெளியான 24 மணி நேரங்களுக்குள் 9 மில்லியன் பார்வைகளைப் பெற்றுள்ளது. அஜய் தேவகன் நடித்து கடந்த வாரம் வெளிவந்த 'த்ரிஷ்யம் 2' படம் சிறப்பாக ஓடி வரும் நிலையில் இந்த 'போலா' டீசருக்கும் ரசிகர்கள் நல்ல வரவேற்பைக் கொடுத்துள்ளனர்.

'கைதி' படத்தின் மையக் கருவை மட்டும் எடுத்துக் கொண்டு ஹிந்தியில் திரைக்கதையை மாற்றி அமைத்துள்ளனர். தமிழில் கதாநாயகி கிடையாது, ஹிந்தியில் தபு கதாநாயகியாக நடிக்கிறார். 'கேஜிஎப் 2' படத்திற்கு இசையமைத்த ரவி பஸ்ரூர் இந்தப் படத்திற்கு இசையமைக்கிறார். இப்படம் 2023 மார்ச் 30ம் தேதி 3 டியில் வெளியாகிறது.

• 
  பாலிவுட்டை திரும்பிப் பார்க்க வைத்த நயன்தாரா, ராஷ்மிகா
• 
  5 மொழிகளில் சொந்தக் குரலில் பேசிய பிருத்விராஜ்
• 
  த்ரிஷா தானே வழக்கு தொடர்ந்திருக்க வேண்டும் : மன்சூர் அலிகானுக்கு கோர்ட் ...
• 
  இயக்குனராக தனுஷின் அடுத்த படத்தின் படப்பிடிப்பு இன்று துவங்கியது
• 
  தெலுங்கில் மூத்த நடிகர்களுக்கு ஜோடியாகும் த்ரிஷா

• 
  ரூ.600 கோடி கிளப்பில் இணைந்த அனிமல் படம்!
• 
  ஹாலிவுட்டுக்கு செல்லும் அட்லியின் ஜவான்!
• 
  பைட்டர் டீசரில் பிகினி, லிப்லாக்கில் தீபிகா படுகோனே
• 
  அமிதாப் குடும்பத்தின் அடுத்த வாரிசு…
• 
  பாலிவுட் நடிகர் ஜூனியர் மெஹ்மூத் காலமானார்