Dinamalar

'புஷ்பா 2' அறிவிப்பு வீடியோ… விரைவில்…

சுகுமார் இயக்கத்தில், தேவிஸ்ரீபிரசாத் இசையமைப்பில், அல்லு அர்ஜுன், ராஷ்மிகா மந்தனா, பகத் பாசில் மற்றும் பலர் நடிக்கும் 'புஷ்பா 2' படத்தின் அறிவிப்பு வீடியோவை விரைவில் வெளியிட படக்குழு முடிவு செய்துள்ளது.

2021ம் ஆண்டு டிசம்பர் மாதம் இந்தப் படத்தின் முதல் பாகம் பான் இந்தியா படமாக வெளிவந்து வசூலைக் குவித்தது. இரண்டாம் பாகத்தின் படப்பிடிப்பை உடனடியாக ஆரம்பிக்காமல் காலம் தாழ்த்தி வந்தார்கள். திரைக்கதையை விறுவிறுப்பாக எழுத வேண்டும் என நேரம் எடுத்துக் கொண்டதாக தகவல் வெளியானது. இந்நிலையில் இரண்டாம் பாகப் படப்பிடிப்பை சமீபத்தில் ஆரம்பித்துள்ளார்கள்.

படப்பிடிப்பு ஆரம்பமானது பற்றி பல விதத் தகவல்கள் வெளிவந்த நிலையில் அதிகாரப்பூர்வமாக அது பற்றி ஒரு அறிமுக வீடியோவை வெளியிட படக்குழு முடிவு செய்துள்ளதாம். அடுத்த சில நாட்களில் அதை வெளியிடலாம் என்கிறார்கள். அதில் பட வெளியீடு குறித்த அறிவிப்பு வருமா அல்லது படப்பிடிப்பு பற்றிய அறிவிப்பு வருமா என்று ரசிகர்கள் காத்திருக்கிறார்கள்.

இரண்டாம் பாகத்தில் புதிதாக இணைந்துள்ள நடிகர்கள் பற்றிய தகவலும் இடம் பெறலாம் எனத் தெரிகிறது. இரண்டாம் பாகத்தை முதல் பாகத்தை விடவும் அதிக பொருட் செலவிலும், பிரம்மாண்டமாகவும் தயாரிக்க முடிவு செய்துள்ளார்கள் என்பதும் டோலிவுட் தகவல்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  புதிய ஆரம்பம் - நடிகர் கிருஷ்ணா இரண்டாவது திருமணம்
• 
  பிரித்விராஜ் படத்திலிருந்து நீக்கப்பட்டேன் ; ஜோஜூ ஜார்ஜ்
• 
  மகளுக்கு டைட்டில் கார்டில் இடம் கொடுத்த மணிரத்னம் ; நன்றி சொன்ன குஷ்பு
• 
  இந்தியன் 2 படத்தை விட குறைவாக வசூலித்த தக் லைப்
• 
  மீண்டும் தள்ளிப் போகும் 'ஹரிஹர வீர மல்லு'