Dinamalar

விவேக் தவிர மற்றவர்களுடன் மீண்டும் தொடரும் 'இந்தியன் 2'

லைக்கா புரொடக்ஷன்ஸ் தயாரிப்பில், ஷங்கர் இயக்கத்தில், அனிருத் இசையமைப்பில், கமல்ஹாசன் கதாநாயகனாக நடிக்க ஆரம்பமான படம் 'இந்தியன் 2'. இரண்டு வருடங்களுக்கு முன்பாக அப்படத்தின் படப்பிடிப்பில் நடைபெற்ற கிரேன் விபத்து, கொரோனா தாக்கம், தயாரிப்பு நிறுவனமான லைக்காவுக்கும், இயக்குனர் ஷங்கருக்கும் இடையிலான பிரச்சினை என இரண்டு வருடங்களாக படப்பிடிப்பு நின்று போயிருந்தது.

கமல்ஹாசன் நடித்து வெளிவந்த 'விக்ரம்' படம் பெரும் வசூலைக் குவித்ததால் 'இந்தியன் 2' படத்தை மீண்டும் ஆரம்பித்து நடத்த பேச்சுவார்த்தைகள் ஆரம்பமாகின. 'விக்ரம்' படத்தை வெளியிட்ட உதயநிதி ஸ்டாலின், 'இந்தியன் 2' படத்தின் தயாரிப்பில் ஆர்வம் காட்டினார். உடனடியாக வேலைகள் நடந்தன. அனைரையும் ஒருங்கிணைத்து படப்பிடிப்புக்கான வேலைகளை சில வாரங்களுக்கு முன்பே ஆரம்பித்தார்கள்.

இன்று முதல் படப்பிடிப்பு சென்னையில் ஆரம்பமாக உள்ளது. உதயநிதி ஸ்டாலினின் ரெட் ஜெயன்ட் மூவிஸ் 'இந்தியன் 2'வில் இணைந்தது பற்றிய அதிகாரப்பூர்வ அறிவிப்பும் வெளியானது. கடந்த இரண்டு வருடங்களில் இந்தப் படம் பற்றி வெளிவந்த அனைத்து கிசுகிசுக்களுக்கும் முற்றுப் புள்ளி வைக்கப்பட்டது.

இப்படத்தில் நடித்து வந்த நகைச்சுவை நடிகர் விவேக் மறைந்துவிட்டதால் அவருக்குப் பதிலாக அந்தக் கதாபாத்திரத்தில் குரு சோமசுந்தரம் நடிக்க உள்ளார் எனத் தெரிகிறது. மற்றபடி காஜல் அகர்வால், ரகுல் ப்ரீத் சிங், பிரியா பவானி சங்கர், சித்தார்த், பாபி சிம்ஹா என இரண்டு வருடங்களுக்கு முந்தைய நட்சத்திரக் குழுவே மீண்டும் படத்தில் தொடர்கிறது. படத்தின் வெளியீடு எப்போது இருக்கும் என்பதுதான் ரசிகர்களின் அடுத்த கேள்வியாக இருக்கும்.

மீண்டும் பட பூஜை
சில ஆண்டுகளுக்கு முன் ‛இந்தியன் 2' படம் துவங்கிய போதே பூஜை போட்டு தான் ஆரம்பித்தனர். ஆனால் பின்னர் நிகழ்ந்த விபத்து உள்ளிட்ட பல பிரச்னைகளால் நின்ற படப்பிடிப்பு இன்று(ஆக., 24) முதல் மீண்டும் துவங்கி உள்ளது. அதனால் மீண்டும் ஒரு பட பூஜை நடத்தி படப்பிடிப்பை துவங்கி உள்ளனர். இதில் ஷங்கர், பாபி சிம்ஹா, லைகா மற்றும் ரெட் ஜெயன்ட் தயாரிப்பு நிர்வாக அதிகாரிகள் உள்ளிட்ட படக்குழுவினர் பங்கேற்றனர்.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  லவ் இன்ஷுரன்ஸ் கம்பெனி - அப்டேட் கொடுத்த விக்னேஷ் சிவன்
• 
  கார் பந்தய பயிற்சியின்போது மீண்டும் விபத்தில் சிக்கிய அஜித்
• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு
• 
  ரயில் ஜன்னல் கம்பி வழியாக மாளவிகா மோகனனிடம் முத்தம் கேட்ட மர்ம நபர்
• 
  ரெட்ரோ படத்தின் டிரைலரை உருவாக்கிய அல்போன்ஸ் புத்ரன்