20 வயது நடிகருடன் காதலா... : கீர்த்தி சுரேஷ் பதில் | 'இந்தியன் 3' படத்திற்காக மீண்டும் படப்பிடிப்பு | அஜித்துடன் மோதும் சிவகார்த்திகேயன்? | 'தி கோட்' - தன் வேலையை ஆரம்பித்த மந்திரவாதி | 25 கோடியுடன் முடிவுக்கு வரும் 'சர்பிரா'!!! | விஷாலுக்கு தயாரிப்பாளர்கள் சங்கம் போட்ட கடிவாளம் | தங்கலான் படத்திற்கு யு/ஏ சான்று | பொறாமைக்கு மருந்தே கிடையாது : இயக்குனர் செல்வராகவன் | ஹீரோ ஆன மகன் விஜய் ஸ்ரீ ஹரி : வனிதா நெகிழ்ச்சி பதிவு | ரீமேக் மாதிரியே இருக்காது : ரசிகரின் கேள்விக்கு ரவி தேஜா பட இயக்குனர் பதில் |
தலைப்பைப் பார்த்து கொஞ்சம் குழம்பி விட வேண்டாம். 'புஷ்பா 2' படத்தில் முக்கிய வேடம் ஒன்றில் நடிக்க விஜய் சேதுபதியிடம் பேசி வருவதாக நாம் ஏற்கெனவே செய்தி வெளியிட்டிருந்தோம். அது ஏறக்குறைய உறுதியாகிவிட்டது என டோலிவுட் வட்டாரங்கள் தெரிவிக்கின்றன.
இரண்டாம் பாகத்தை இன்னும் பெரிய அளவில் உருவாக்க வேண்டும் என இயக்குனர் சுகுமாரிடம் அல்லு அர்ஜுன் சொன்னதால் கடந்த சில மாதங்களாகவே திரைக்கதையை மாற்றி எழுதி வந்திருக்கிறார் இயக்குனர் சுகுமார். தற்போது இரண்டாம் பாகத்தில் ஒரு முக்கிய வில்லன் கதாபாத்திரத்தை சேர்த்திருக்கிறாராம் சுகுமார். அந்தக் கதாபாத்திரத்தில் தான் விஜய் சேதுபதியை நடிக்க வைக்கப் போகிறார்களாம்.
'விக்ரம்' படத்தில் விஜய் சேதுபதி, பகத் பாசில் இணைந்து நடித்தது படத்திற்கு பெரிய பலத்தைக் கொடுத்தது. அது போலவே, அவர்கள் இருவரும் மீண்டும் 'புஷ்பா 2' படத்தில் இணைய உள்ளார்கள். முதல் பாகத்திலேயே பகத் பாசில் இருக்கிறார் என்பது குறிப்பிடத்தக்கது. 'விக்ரம்' கதாநாயகன் கமல்ஹாசன் மட்டும் 'புஷ்பா 2'வில் மிஸ்ஸிங் என்று சொல்லலாம்.
'புஷ்பா 2'வில் விஜய் சேதுபதி இணைவது பற்றி விரைவில் அறிவிப்பு வந்தாலும் ஆச்சரியப்படுவதற்கில்லை.