Dinamalar

'தி கிரே மேன்' டிரைலர் - ஹாலிவுட் படத்தில் தமிழ் நடிகர் தனுஷின் பெயர்

உலக அளவில் அதிக சினிமாக்களும், அதைப் பார்வையிடும் அதிக ரசிகர்களும் கொண்ட நாடுகளில் இந்தியாவும் ஒன்று. பல்வேறு மாநில மொழிகளில் சினிமாக்கள் வெளியானாலும் கடந்த சில வருடங்களாக இந்திய சினிமா என்பது தென்னிந்திய சினிமாக்களையும் குறிப்பிடும்படி அமைந்துவிட்டது.

தமிழ் சினிமாவில் தனது நடிப்பால் இரண்டு முறை தேசிய விருது பெற்றவர் நடிகர் தனுஷ். பிரெஞ்ச் மொழிப் படத்தில் நடித்ததற்குப் பிறகு தற்போது ஹாலிவுட் படத்திலும் நடித்துவிட்டார். அவர் நடித்துள்ள நெட்பிளிக்ஸ் படமான 'த கிரே மேன்' படத்தின் டிரைலர் நேற்று வெளியானது. 'அவஞ்சர்ஸ்' புகழ் இயக்குனர்களான ரூசோ பிரதர்ஸ் இயக்கியுள்ள இந்தப் படம் ஜுலை 22ம் தேதி வெளியாகிறது.

படத்தின் டிரைலரில் தனுஷ் சில வினாடிகள்தான் வருகிறார். இருந்தாலும் படத்தில் அவருக்கு முக்கிய கதாபாத்திரம் என்பது டிரைலரின் முடிவில் தெரிகிறது. டிரைலரின் முடிவில் நடிகர்களின் பெயர்கள் வரும் போது தனுஷின் பெயர் எட்டாவதாகத்தான் வருகிறது. ஆனாலும், தமிழ் நடிகர்களுக்கு இதுவரை எட்டாக்கனியாக இருந்து வந்த ஹாலிவுட் படத்தில் தமிழ் நடிகர் தனுஷின் பெயரைப் பார்ப்பது பெருமையான ஒன்றுதான்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  அபுதாபி ரிசார்ட்டில் நீச்சல் உடையில் சமந்தா
• 
  கூடுதல் காட்சிகளுடன் ஓடிடியில் 'விடுதலை 2' டைரக்டர்ஸ் கட்
• 
  ஆர்யா 36வது படத்தின் டைட்டில் டீசர் நாளை வெளியாகிறது
• 
  ஜூன் 13ல், 500 தியேட்டர்களில் படை தலைவன் ரிலீஸ்
• 
  டூரிஸ்ட் பேமிலி : கன்னட நடிகர் சுதீப் பாராட்டு