Dinamalar

75வது நாளில் 'மாநாடு', ஆனாலும், தயாரிப்பாளர் வருத்தம்

வெங்கட் பிரபு இயக்கத்தில், யுவன்ஷங்கர் ராஜா இசையமைப்பில், சிலம்பரசன், கல்யாணி பிரியதர்ஷன், எஸ்ஜே சூர்யா மற்றும் பலர் நடித்து கடந்த வருடம் நவம்பர் மாதம் 25ம் தேதி வெளியானது.

விமர்சன ரீதியாகவும், வசூல் ரீதியாகவும் பெரிய வரவேற்பையும், வெற்றியையும் பெற்ற படம். இன்றுடன் இப்படம் வெளிவந்து 75 நாட்கள் ஆகிறது. சென்னையில் உள்ள ரோகிணி திரையரங்கில் மாலைக் காட்சியாக இப்படம் ஓடிக் கொண்டிருக்கிறது.

இன்று படம் 75வது நாளைக் கொண்டாடுவது மகிழ்ச்சியான ஒரு விஷயம்தான். கடந்த சில வருடங்களாக வசூல் ரீதியாக வரவேற்பைப் பெறும் படங்கள் கூட 50 நாட்களைக் கடந்து ஓடுவது பெரிய விஷயமாகவே இருக்கிறது. இருப்பினும் படத்தின் தயாரிப்பாளர் சுரேஷ் காமாட்சி இந்த கொண்டாட்டத்துக்கிடையேயும் வருத்தமான பதிவு ஒன்றை சோஷியல் மீடியா பக்கத்தில் வெளியிட்டுள்ளார்.

அதில், “75 நாட்கள் ஆகியும் இன்னமும் வினியோகஸ்தர்கள் கணக்கு ஒப்படைக்கவில்லை. ஒரு வெற்றிப்படத்திற்கே இந்த நிலைன்னா…மற்ற படங்களின் நிலையை என்ன சொல்ல??! இப்படி இருந்தால் எப்படி தொழில் செய்ய??!, நடிகர்கள், தயாரிப்பாளர்கள் ஓடிடி பக்கம் போறதுல என்ன தப்பு இருக்குன்னு யோசிக்க வைக்குறாங்க..,” என்று பதிவிட்டுள்ளார்.

சிம்புவுக்கு பெரிய திருப்புமுனையை ஏற்படுத்திக் கொடுத்தது இந்தப் படம். ஆனால், படத்தின் தயாரிப்பாளருக்கும், சிம்புவுக்கும் இடையே பிரச்னை ஏற்பட்டுள்ளது என்பது குறிப்பிட வேண்டிய ஒன்று.

• 
  அரபிக்குத்து பாடலுக்கு ஆட்டம் போட்ட கத்ரீனா கைப்
• 
  ஷாரூக் - அட்லியின் 'ஜவான்' ஓடிடி, சாட்டிலைட் உரிமை பல கோடி விற்பனை
• 
  ஹிந்தி பட புரமோஷனுக்காக கோவிந்தாவுடன் சாமியாடிய ராஷ்மிகா
• 
  இளவரசியாக நடிக்கும் டிகங்கனா சூர்யவன்ஷி
• 
  சஞ்சய் கேரக்டருக்கு விஷக் நாயரை தேர்வு செய்தது எப்படி? - கங்கனா விளக்கம்

• 
  எனக்கு கிடைத்த விருதை எனக்கே அர்ப்பணிக்கிறேன் : ரேவதி
• 
  பிரபாஸுடன் மோதும் விஜய்
• 
  கார்த்தியின் ஜப்பான் படப்பிடிப்பு அடுத்த மாதம் 5ம் தேதி தொடங்குகிறது
• 
  பிட்னஸ் டிரையினருக்கு கார் பரிசளித்த கமல்ஹாசன்
• 
  தனுசுடன் ஜோடி சேரும் சிம்பு பட நடிகை