Dinamalar

அப்பா நாகேஸ்வர ராவை நினைவு கூறும் மகன் நாகார்ஜுனா

தெலுங்குத் திரையுலகின் முக்கிய கதாநாயகர்களில் ஒருவர் நாகேஸ்வர ராவ். பல அற்புதமான படங்களில் வெற்றிகரமான படங்களில் கதாநாயகனாக நடித்துள்ளார். தமிழில் அவர் கதாநாயகனாக நடித்து 1953ல் வெளிவந்த 'தேவதாஸ்' படம் 68 வருடங்கள் கழித்து காதல் படங்களுக்கெல்லாம் முன்னோடியாக இருக்கிறது.

2014ம் ஆண்டு மறைந்த நாகேஸ்வரராவின் 99வது பிறந்த தினத்தை தெலுங்கு திரையுலகினர் இன்று கொண்டாடி வருகிறார்கள். அப்பா நாகேஸ்வரராவை நினைவு கூறும் வகையில் அவரது விருப்ப ஆடையான 'பஞ்சகச்ச வேஷ்டி' அணிந்து வீடியோ ஒன்றை வெளியிட்டுள்ளார் மகன் நாகார்ஜுனா.

அதில், “எனது அப்பாவை பஞ்சகச்ச வேட்டியில் ரசித்துப் பார்ப்பேன். இப்போது நான் அணிந்திருக்கும் 'பொன்டுரு காதி' எனது அப்பாவின் அபிமான ஆடை. அவரது நவரத்தினா செயின், மோதிரம் ஆகியவற்றையும் அணிந்துள்ளேன். நான் அணிந்திருக்கும் கைக்கடிகாரம் எனக்கும் சீனியர். அவரது அபிமான வாட்ச்தான் எனது அபிமான வாட்ச்சும் கூட. இவை அனைத்தையும் அணியும் போது அவர் என்னுடனேயே இருப்பது போன்ற உணர்வு ஏற்படுகிறது. பஞ்சகச்சத்தின் நேர்த்தியை உங்களுக்குக் கொண்டு வருவதுதான் எங்களது முயற்சி, ஏஎன்ஆர் வாழ்ந்து கொண்டிருக்கிறார்,” என அந்த வீடியோவில் தெரிவித்துள்ளார்.

'பங்கராஜு' என்ற படத்தில் இப்படி தனது அப்பாவின் உடைமைகளை அணிந்து நடித்து வருகிறார் நாகார்ஜுனா.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  வார் 2 படத்தால் நஷ்டமா... : தயாரிப்பாளர் விளக்கம்
• 
  விஜய் இதை பார்த்தால் நிச்சயம் ரசிப்பார் ; மோகன்லால் கொடுத்த கிரீன் ...
• 
  ஆந்திராவில் சினிமா தியேட்டர் டிக்கெட் கட்டணங்களில் மாற்றம்?
• 
  'ஆடு-3' படப்பிடிப்பில் நடிகர் விநாயகன் காயம் ; கொச்சி மருத்துவமனையில் ...
• 
  மறைந்த நடிகர் சீனிவாசனின் உண்மையான வயது என்ன? கிளம்பிய விவாதமும் தெளிந்த ...