Dinamalar

உங்க பட ரிலீஸ் தேதியை மாற்ற முடியுமா லாலேட்டா ? ; ரிலீஸ் தேதியை அறிவிக்க நடிகரின் புதிய யுக்தி

மலையாளத்தில் கடந்த பத்து வருடங்களுக்கு முன்பு வெளியான 'பிரேமம்' படத்தில் நிவின்பாலியின் நெருங்கிய நண்பர்களில் ஒருவராக நடித்திருந்தவர் ஷராபுதீன். அதைத் தொடர்ந்து பல படங்களில் கதையின் நாயகனாகவும் காமெடி மற்றும் குணச்சித்திர நடிகராகவும் தொடர்ந்து நடித்து வருகிறார். இந்த நிலையில் அவர் தயாரிப்பாளராகவும் மாறி 'தி பெட் டிடெக்டிவ்' என்கிற படத்தை தயாரித்துள்ளார். இந்த படம் வரும் அக்டோபர் 16ம் தேதி வெளியாக இருக்கிறது.

இந்த படத்தின் ரிலீஸ் தேதியை அறிவிப்பதற்கு இவர் ஒரு வித்தியாசமான பாணியை கையாண்டு தனது இன்ஸ்டாகிராமில் ஒரு வீடியோவை வெளியிட்டுள்ளார். அது தற்போது வைரல் ஆகி வருகிறது. அதாவது மோகன்லால் நடிப்பில் பல வருடங்களுக்கு முன்பு வெளியான ராவண பிரபு படம் கடந்த வாரம் ரீ ரிலீஸ் செய்யப்பட்டது. இந்த படத்தில் மோகன்லால் இரண்டு வேடங்களில் நடித்துள்ளார். இதை கான்செப்டாக வைத்து இந்த வீடியோவை அவர் வெளியிட்டுள்ளார்.

அந்த வீடியோவில் ஷராபுதீன் மோகன்லால் உடன் போனில் பேசுவது போலவும், அவரிடம் நான் என்னிடம் இருந்த பணத்தை எல்லாம் வைத்து 'தி பெட் டிடெக்டிவ்' என்கிற ஒரு படத்தை தயாரித்து உள்ளேன். ஒரு மோகன்லால் என்றாலே சமாளிக்க முடியாது. இதில் இரண்டு மோகன்லால்கள் வேறு.. அதனால் உங்கள் ராவண பிரபு ரிலீஸ் தேதியை மாற்றி வைத்த கொள்ள முடியுமா என்றும் கேட்கிறார். அதற்கு போனில் அந்த பக்கம் மோகன்லால், ராவண பிரபு படத்தில் இடம்பெற்ற வசனமான “இது ஒரு விளையாட்டு.. இதில் ஜெயிப்பதற்காக தான் நான் விளையாடுகிறேன் மோனே.. புரிகிறதா?” என்று கேட்க ஓகே ஓகே என தலையாட்டுகிறார் ஷராபுதீன்.

அப்படியானால் நான் என் படத்தின் ரிலீஸ் தேதியை மாற்றி வைத்துக் கொள்கிறேன் என்று கூறி அக்டோபர் 16ம் ரிலீஸ் தேதி என்று அறிவிக்கிறார். இப்படி இவர் காமெடியாக தனது படத்தின் ரிலீஸ் தேதியை புதிய பாணியில் அறிவித்துள்ளது ரசிகர்களை கவர்ந்துள்ளது. இந்த வீடியோவில் கேட்கும் மோகன்லாலின் குரல் ஒரு மிமிக்ரி கலைஞரால் பேசப்பட்டுள்ளது.

• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்
• 
  அனிமேஷன் கேரக்டருக்கு குரல் கொடுத்தது சுவாரஸ்யம் : ஷ்ரத்தா கபூர்
• 
  பின்வாங்கிய ராஜ்குமார் ஹிரானி, அமீர் கான் : அப்போ ராஜமவுலிக்கு வெற்றியா?

• 
  ஜப்பானில் வெளியாகும் மலைக்கோட்டை வாலிபன் : ரிலீஸ் தேதி அறிவிப்பு
• 
  தேசிய விருதுக்கு படம் அனுப்புவதில் ஏற்பட்ட சிக்கல் : நீதிமன்றத்தை நாடிய ...
• 
  மம்முட்டிக்கு பிரித்விராஜ் சிபாரிசு, விநாயகனுக்கு மம்முட்டி சிபாரிசு : ...
• 
  உபேந்திரா-பிரியங்கா திரிவேதி மொபைல் போன்களை ஹேக் செய்த பீஹார் வாலிபர் ...
• 
  நாகார்ஜுனா மீதான அவதூறு கருத்துக்கு ஒரு வருடம் கழித்து வருத்தம் ...