முதன்முறையாக மோகன்லாலுடன் இணைந்த அய்யப்பனும் கோஷியும் இசையமைப்பாளர்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

28 ஜூன், 2024 - 02:10 IST

எழுத்தின் அளவு:

மலையாளத்தில் கடந்த பத்து வருடங்களுக்கு முன்பு ஏஞ்சல்ஸ் என்கிற படத்தின் மூலம் இசையமைப்பாளராக அறிமுகமானவர் ஜேக்ஸ் பிஜாய். அடுத்த வருடமே தாக்க தாக்க என்கிற படத்தின் மூலம் தமிழுக்கும் வந்த இவர், துருவங்கள் பதினாறு, மாபியா, போர் தொழில் உள்ளிட்ட பல படங்களுக்கு இசையமைத்துள்ளார். அதேபோல மலையாளத்தில் பிசியான இசையமைப்பாளராக வலம் வரும் இவர், அய்யப்பனும் கோஷியும் படத்தில் அறிமுகப்படுத்திய பாடகி நஞ்சியம்மா பாடிய ‛கலக்காத்தா' பாடல் தேசிய விருது பெற்றது.

தொடர்ந்து மம்முட்டி, சுரேஷ்கோபி, பிரித்விராஜ் என பல முன்னணி நடிகர்களின் படங்களில் இசையமைப்பாளராக பணியாற்றி வரும் இவர், தற்போது முதன் முறையாக மோகன்லால் நடிக்கும் படத்திற்கு இசையமைக்க ஒப்பந்தமாகியுள்ளார். தற்போது மோகன்லால், இயக்குநர் தருண் மூர்த்தி இயக்கத்தில் நடித்து வரும் அவரது 360வது படத்திற்குத்தான் ஜேக்ஸ் பிஜாய் இசையமைக்கிறார். மோகன்லாலுடன் தான் எடுத்துக்கொண்ட புகைப்படத்தை தனது சோசியல் மீடியா பக்கத்தில் வெளியிட்டு தனது மகிழ்ச்சியை வெளிப்படுத்தியுள்ளார் ஜேக்ஸ் பிஜாய்.

L360

Mohanlal

Jakes Bejoy

கருத்துகள் (0) கருத்தைப் பதிவு செய்ய

வெளியான ஒரே வாரத்தில் 2-ம் பாகம் ...

ஜீத்து ஜோசப் பட பர்ஸ்ட் லுக்கை ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய