Dinamalar

இயக்குனருக்கு பதிலடி தந்தாரா தமன்?

இசையமைப்பாளர் தமன் தமிழ், தெலுங்கு என இரண்டு மொழிகளிலும் பிஸியாக இசையமைத்து வருகிறார். தெலுங்கில் 'அலா வைகுந்தபுரம்லோ' படத்திற்குப் பிறகு அவர் அதிகப் படங்களுக்கு இசையமைக்க ஆரம்பித்தார். அந்தப் படத்தின் பாடல்கள் சூப்பர் ஹிட்டானதே அதற்கு ஒரு காரணம்.

2021ல் பொயப்பட்டி சீனு இயக்கத்தில் தமன் இசையமைக்க பாலகிருஷ்ணா நடிப்பில் வெளிவந்த படம் 'அகாண்டா'. அந்தப் படம் பெரிய வெற்றியைப் பெற்றது. சமீபத்தில் அந்தப் படம் குறித்து பொயப்பட்டி சீனு, ஒரு பேட்டியில் பேசும் போது ‛தமனின் பின்னணி இசை இல்லை என்றாலும் அந்தப் படம் பெரிய வெற்றியைப் பெற்றிருக்கும்' எனக் கூறியிருந்தார். அப்படத்தில் தமனின் பின்னணி இசை காட்சிகளை இன்னும் அதிரடியாகக் காட்டியது என்பதுதான் ரசிகர்களின் கருத்து. பொயப்பட்டி சொன்ன கருத்துக்கு ரசிகர்கள் சமூக வலைத்தளங்களில் விமர்சிக்க ஆரம்பித்தனர்.

இந்நிலையில் இசையமைப்பாளர் தமன் எக்ஸ் சமூக வலைதளத்தில், 'எனக்குக் கவலையில்லை' என ஒரே வரியில் பதிவிட்டுள்ளார். பொயப்பட்டி சீனுவின் பேட்டிக்கான பதிலடி தான் அது என ரசிகர்கள் எடுத்துக் கொண்டுள்ளார்கள்.
பொயப்பட்டி இயக்கத்தில் கடந்த வாரம் வெளிவந்த 'ஸ்கந்தா' படத்திற்கு தமன் தான் இசை. பாலகிருஷ்ணா நடித்து அக்டோபர் 19ல் வெளிவர உள்ள 'பகவந்த் கேசரி' படத்திற்கும் தமன் தான் இசையமைத்துள்ளார்.

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  சர்ச்சைகளை நீர்த்துப்போக செய்யும் விதமாக தயாராகிறதா மோகன்லால் - ...
• 
  மலையாள வாரிசு வில்லன் நடிகர் மேகநாதன் மறைவு
• 
  ராம் பொதினேனிக்கு ஜோடியான பாக்யஸ்ரீ போர்ஸ்
• 
  மம்முட்டி, மோகன்லால் இணையும் படத்தின் படப்பிடிப்பு தொடங்கியது
• 
  'பதேர் பாஞ்சாலி' நடிகை மரணம்