Dinamalar

ஜவஹர்லால் நேரு பல்கலைக்கழகத்தில் திரையிடப்படும் '72 ஹூரைன்'

கடந்த வருடம் வெளியான தி காஷ்மீர் பைல்ஸ் மற்றும் சமீபத்தில் வெளியான கேரள ஸ்டோரி என பயங்கரவாதத்திற்கு எதிரான கருத்து கொண்ட படங்கள் வெளியாகும் போதெல்லாம் நாடெங்கிலும் பல இடங்களில் அந்த படங்களுக்கு எதிர்ப்பும் கடும் சர்ச்சையும் உருவாவது வாடிக்கையாகி விட்டது. குறிப்பாக இது போன்ற படங்களை இஸ்லாமியர்களுக்கு எதிரான படங்கள் போல சிலர் சித்தரித்து வருவது தான் காரணம். அந்த வகையில் தற்போது இதே கருத்தை மையப்படுத்தி உருவாகியுள்ள 72 ஹூரைன் என்கிற படத்திற்கும் இதேபோன்று சிக்கல்களும் எதிர்ப்புகளும் எழுந்துள்ளன.

இந்த படம் எப்படி அப்பாவி இளைஞர்கள் மூளைச்சலவை செய்யப்பட்டு பயங்கரவாத இயக்கத்திற்குள் இழுக்கப்படுகின்றனர் என்பதை மையப்படுத்தி உருவாகியுள்ளது. இந்த படத்தை இயக்குனர் சஞ்சய் பூரன் சிங் சவுகான் என்பவர் இயக்கியுள்ளார். இந்த படத்திற்கு சென்சார் சான்றிதழ் பெறுவதிலேயே பெரிய சிக்கல் எழுந்தது. ஒருவழியாக இந்த படம் வரும் ஜூலை 7ம் தேதி வெளியாக இருக்கிறது.

இன்னொரு பக்கம் இந்த படத்தை திரையிடக்கூடாது என காஷ்மீர் பகுதியில் உள்ள சில இஸ்லாமிய அமைப்புகள் போர்க்கொடி தூக்கி வருகின்றன. இந்த நிலையில் வரும் ஜூலை 4ம் தேதி இந்த படம் ஜவஹர்லால் நேரு பல்கலைக்கழகத்தில் சிறப்புக் காட்சியாக திரையிட்டு காட்டப்பட இருக்கிறது. இந்த திரையிடலுக்குப் பிறகு என்ன சர்ச்சைகள் கிளம்புமோ என ஒரு பரபரப்பு இப்போதே எழுந்துள்ளது.

• 
  'லவ் அண்ட் வார்' ரிலீஸ் தேதி அறிவிப்பு: 2 வருடங்களுக்கு பிறகு ...
• 
  திருமண மோதிரம் 'மிஸ்ஸிங்' : மீண்டும் பிரிவு சர்ச்சையில் ஐஸ்வர்யா ராய்
• 
  என் தந்தையே எனது மிகப்பெரிய விமர்சகர் : பாடகி டூ நடிகை த்வானி பனுஷாலி ...
• 
  நவம்பர் 29ல் ஜப்பானில் வெளியாகும் ஷாருக்கானின் ஜவான்
• 
  3 காட்சிகள் நீக்கத்துடன் எமர்ஜென்சிக்கு 'யுஏ' சான்றிதழ்

• 
  நாகேஸ்வரராவ் நூற்றாண்டு விழா: இந்தியா முழுவதும் நடக்கிறது
• 
  18 வருடங்களுக்கு பிறகு ரீ ரிலீஸ் ஆகும் பொம்மரிலு
• 
  நடிகையின் குற்றச்சாட்டுக்கு வெளிப்படையாக வருத்தம் தெரிவித்த நடிகர் ...
• 
  இயக்குனர் மீது நீதிமன்றத்தில் வழக்கு தொடர்ந்த காசி இயக்குனர்
• 
  மின்னல் முரளி கதாபாத்திரங்களை பயன்படுத்த நீதிமன்றம் தடை