Dinamalar

டிச-1ல் வெளியாகும் பிரித்விராஜ் - நயன்தாராவின் கோல்டு

மலையாளத்தில் பிரேமம் என்கிற மிகப்பெரிய வெற்றி படத்தை கொடுத்த பின்னர், கிட்டத்தட்ட 7 வருடங்களாக தனது அடுத்த படத்தை இயக்காமல் அமைதி காத்து வந்த இயக்குனர் அல்போன்ஸ் புத்ரன். நீண்ட இடைவெளிக்கு பிறகு தற்போது பிரித்விராஜ், நயன்தாரா நடிப்பில் கோல்டு என்கிற படத்தை இயக்கியுள்ளார். காமெடி ஆக்ஷன் கலந்து இந்த படம் உருவாகியுள்ளது. பிரேமம் படத்திற்கு இசையமைத்த ராஜேஷ் முருகேசன் தான் இந்தப் படத்திற்கு இசையமைத்துள்ளார். படத்தொகுப்பை அல்போன்ஸ் புத்ரனே கவனித்துள்ளார்.

கடந்த ஓணம் பண்டிகை சமயத்திலேயே இந்த படம் வெளியாகும் என முதலில் அறிவிக்கப்பட்டு பின்னர் போஸ்ட் புரொடக்ஷன் பணிகள் நிறைவடையாததால் ரிலீஸ் தேதி தள்ளிப்போனது. அதேசமயம் இந்த படத்தின் கிராபிக்ஸ் பணிகள் முடிவடையாததால் ரிலீஸ் தேதி தாமதம் ஆகிறது என்றும், ரசிகர்களுக்கு நல்ல படைப்பாக பரிமாற வேண்டும் என்பதால் இந்த தாமதத்தை பொறுத்துக் கொள்ள வேண்டுமென்றும் அல்போன்ஸ் புத்ரன் கூறியிருந்தார். ஆனால் படமாக்கப்பட்ட சில காட்சிகள் அல்போன்ஸ் புத்ரனுக்கு திருப்தியளிக்கவில்லை என்பதால் மீண்டும் ரீ-ஷூட் செய்ததால் தான் இந்த தாமதம் ஏற்பட்டது என்றும் சொல்லப்பட்டது.

இந்த நிலையில் கிறிஸ்துமஸ் பண்டிகை வெளியீடாக இந்தப்படம் வெளியாகலாம் என யூகமாக சொல்லப்பட்டு வந்த நிலையில் தற்போது அதற்கு முன்கூட்டியே டிசம்பர் 1ஆம் தேதி இந்த படம் வெளியாகிறது என தற்போது அதிகாரப்பூர்வமான அறிவிப்பு வெளியாகி உள்ளது. இந்த படத்தின் தயாரிப்பாளர்களில் ஒருவரான லிஸ்டின் ஸ்டீபன் இதுபற்றி கூறும்போது, “திரைப்படத்தில் நிறைய திருப்பங்கள் இருக்கலாம்.. கடவுளே தயவுசெய்து இந்த படத்தின் ரிலீஸ் தேதியில் இனி எந்த திருப்பங்களும் நேராமல் பார்த்துக் கொள்ளவும்” என்று நகைச்சுவையாக குறிப்பிட்டுள்ளார்.

• 
  இன்ஸ்டாகிராமில் அனைத்து பதிவுகளையும் மொத்தமாக நீக்கிய ரன்வீர் சிங் ; ...
• 
  ராஜமவுலி படம் மூலம் இந்திய திரையுலகிற்கு திரும்புவது உற்சாகம் : ...
• 
  7500 தியேட்டர்களில் வெளியாகும் வார் 2
• 
  பிரியதர்ஷன், அக்ஷய் குமார் படத்தில் விலகிய நடிகர் மீண்டும் இணைந்தார்
• 
  தீபிகாவிற்கு கிடைத்த கவுரவம் : 2026 ‛‛ஹாலிவுட் வாக் ஆப் பேம்'' -விற்கு ...

• 
  காமெடி நடிகரின் சிறுநீரக மாற்று அறுவை சிகிச்சைக்கு 50 லட்சம் தர பிரபாஸ் ...
• 
  'தொடரும்' கெட்டப்பில் புரோமோ வீடியோவுடன் பிக்பாஸ் சீசன் 7 அறிவிப்பை ...
• 
  இயக்குனர் ரஞ்சித் மீதான பாலியல் குற்றச்சாட்டு வழக்கை தள்ளுபடி செய்த ...
• 
  என் படத்திற்கு ‛ஜானகி' டைட்டிலை அனுமதித்த சென்சார், சுரேஷ்கோபி படத்தை ...
• 
  மார்கோ 2 நிச்சயம் உருவாகும் : உன்னி முகுந்தன் விலகிய பிறகும் உறுதியாக ...