Dinamalar

ஓடிடியில் சாதனை புரியும் 'துரந்தர்'

ஆதித்யா தர் இயக்கத்தில், ரன்வீர் சிங், அக்ஷய் கண்ணா, சஞ்சய் தத், அர்ஜுன் ராம்பால், மாதவன், சாரா அர்ஜுன் மற்றும் பலர் நடிப்பில் ஸ்பை த்ரில்லர் படமாக கடந்த வருடம் வெளியான ஹிந்திப் படம் 'துரந்தர்'.

டிசம்பர் 5ல் வெளியான இந்தப் படம் கடந்த வருடத்தில் 1000 கோடி வசூலைக் கடந்த ஒரே படமாக அமைந்தது. மொத்தமாக சுமார் 1400 கோடி வசூலை இந்தப் படம் பெற்றிருக்கும் என்பது பாக்ஸ் ஆபிஸ் தகவல்.

ஜனவரி 30ம் தேதி இப்படம் நெட்பிளிக்ஸ் ஓடிடி தளத்தில் வெளியானது. ஹிந்தியில் மட்டுமல்லாது தமிழ், தெலுங்கு ஆகிய மொழிகளிலும் டப்பிங் செய்து வெளியிட்டார்கள். கடந்த பத்து நாட்களில் ஓடிடி தளத்தில் இந்தப் படம் 15 மில்லியன் பார்வைகளைக் கடந்து புதிய சாதனையைப் படைத்துள்ளது.

முதல் 3 நாட்களில் 7.6 மில்லியன் பார்வைகள், அடுத்து பிப்ரவரி 2 முதல் 8 வரையில் 8.2 மில்லியன் பார்வைகள் என 15 மில்லியன் பார்வைகளைக் கடந்துள்ளது.

11 நாடுகளில் இந்தப் படம் டிரெண்டிங்கில் நம்பர் 1 இடத்தில் உள்ளது. இப்படத்தின் கதைக்களமாக இடம் பெற்ற பாகிஸ்தான் நாட்டில் கூட டிரெண்டிங்கில் முதலிடத்தில் உள்ளது என்பது குறிப்பிடத்தக்கது.

இப்படத்தின் இரண்டாம் பாகமான 'துரந்தர் 2' படம் மார்ச் மாதம் 19ம் தேதி தியேட்டர்களில் வெளியாக உள்ளது.

• 
  அப்பாவுக்கு பிறந்தநாள் வாழ்த்து சொன்ன விஷால்
• 
  பிரதீப் ரங்கநாதன் , அட்லி புதிய கூட்டணி!
• 
  '7ஜி ரெயின்போ காலனி 2' படத்தில் கேமியோ ரோலில் சோனியா அகர்வால்
• 
  'வாரணாசி' படத்திற்காக அமெரிக்கா பறந்த ராஜமவுலி!
• 
  முறுக்கு மீசை, நீளமான முடி புதிய தோற்றத்தில் அருண் விஜய்!

• 
  'திரிஷ்யம்-3' ஹிந்தி பதிப்பு மாறுபட்ட கதை: அஜய் தேவ்கன்
• 
  காக்டெயில் 2 படத்தில் நடிக்க பயந்தேன் : ராஷ்மிகா மந்தனா
• 
  ஹிந்தியில் 'திரிஷ்யம் 3' படப்பிடிப்பு நிறைவு
• 
  60 வயதில் மூன்றாவது திருமணம் : அமீர்கானை விமர்சிக்கும் ரசிகர்கள்
• 
  பிகினி தோற்றம் : கிரித்தி சனோன் வெளியிட்ட தகவல்