மறக்க முடியுமா? - விருமாண்டி

21 பிப், 2021 - 07:29 IST

0 கருத்துகள் கருத்தைப் பதிவு செய்ய

எழுத்தின் அளவு:

படம் : விருமாண்டி
வெளியான ஆண்டு : 2004
நடிகர்கள் : கமல், அபிராமி, பசுபதி, நெப்போலியன்
இயக்கம் : கமல்
தயாரிப்பு : கமல்

நடந்து முடிந்த ஒரு சம்பவத்தை, வெவ்வேறு கோணத்தில் சொல்லும், உலகப் புகழ் ஜப்பானிய இயக்குனர் அகிரா குரோசோவாவின், ரோஷமான் படத்தின் பாணியில் உருவானது, விருமாண்டி. இப்படத்திற்கு முதலில் சூட்டப்பட்ட பெயர் சண்டியர். இதற்கு அரசியல் ரீதியில் எதிர்ப்பு கிளம்பியது. இதனால் தேனி மாவட்டத்தில் நடந்த, இப்படப்பிடிப்பு நிறுத்தப்பட்டது. அன்றைய முதல்வர் ஜெயலலிதாவை சந்தித்து, படம் குறித்து விளக்கம் அளித்தார் கமல். இதைத் தொடர்ந்து, படத்தின் தலைப்பு, விருமாண்டி என மாற்றப்பட்டது.

கிராமத்தில், 26 பேர் படுகொலை செய்யப்பட, குற்றவாளிகளான விருமாண்டிக்கு, துாக்கு தண்டனையும்; கொத்தால தேவருக்கு ஆயுள் தண்டனையும் விதிக்கப்படுகிறது. மரண தண்டனை குற்றவாளிகள் குறித்து ஆவண படம் எடுக்கும் ரோகினி, குற்றவாளிகளான இருவரிடமும் பேட்டி காண்கிறார். நடந்த ஒரு சம்பவம் விருமாண்டியின் பார்வையிலும்; கொத்தால தேவர் பார்வையிலும் சொல்லப்படுகிறது. இப்படம், மரண தண்டனை தேவையில்லை என்பதை வலியுறுத்தியது.

படத்தின் கதை, திரைக்கதை, இயக்கம் என அனைத்திலும், கமல் ஆச்சரியப்படுத்தினார். தென் கொரியாவில் நடந்த உலக திரைப்பட விழாவில், சிறந்த ஆசிய திரைப்படம் என்ற விருதை, இப்படம் பெற்றது. அதிக வன்முறை காட்சிகள் இடம் பெற்றதால், இந்த படத்திற்கு, 'ஏ' சான்றிதழ் வழங்கப்பட்டது.

இளையராஜா, இப்படத்தில் அதகளம் செய்திருந்தார். 'மாட விளக்கை யாரு, சண்டியரே சண்டியரே, கொம்புல பூவச் சுத்தி, ஒன்னை விட...' என, பாடல்களில் துாள் கிளப்பியவர், பின்னணியில் பிரமாண்டம் காட்டினார். ஜல்லிக்கட்டு காட்சியில், ஒளிப்பதிவாளர் கேசவ் பிரகாஷின் கேமரா புகுந்து விளையாடியது. கலை இயக்குனர் பிரபாகர் விருமாண்டி கோவில், குளம், நீதிமன்ற வளாகம், சிறை என, அசத்தியிருந்தார்.

விருமாண்டி மிரள செய்தான்!

virumandifilm

kamalhaasan

Ilayaraja

Pasupathi

கருத்துகள் (0) கருத்தைப் பதிவு செய்ய

மறக்க முடியுமா? - காதல்

மறக்க முடியுமா? - நியூ

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய