விரைவில் 'பாகுபலி' அனிமேஷன் சீரிஸ் | 'சங்கமித்ரா' படம் உருவாகும், சுந்தர் சி நம்பிக்கை | நடனத்தை கிண்டலடித்தவர்களுக்கு உருக்கமாக கோரிக்கை வைத்த ஜிமிக்கி கம்மல் நடிகை | பிரபாஸ் படத்திற்காக மகாபலிபுரத்தில் முகாமிட்டுள்ள தமன் | இல்லாத மகளைப் பற்றி மகன் கேட்டால் என்ன சொல்வேன்? - நவ்யா நாயர் கிண்டல் | ரிவால்வர் ரீட்டா படப்பிடிப்பு நிறைவு | பகலறியான்: ஒரே இரவில் நடக்கும் கதை | 'லயன் கிங்' அடுத்த பாகம் தயாராகிறது: டிசம்பரில் ரிலீஸ் | ரசவாதியில் சித்த வைத்தியரின் கதை : சாந்தகுமார் | எம்.ஜி.ஆர் மாதிரி செயல்படுவேன்: 10 டிராக்டர் வழங்கி ராகவா லாரன்ஸ் பேச்சு |
தமிழில் மிகப் பெரிய வெற்றி பெற்ற 'தனி ஒருவன்' படத்தின் தெலுங்க, ஹிந்தி, கன்னடம் ஆகிய மொழிகளின் ரீமேக் உரிமைகள் விற்கப்பட்டு விட்டதாக கோலிவுட் தகவல்கள் தெரிவிக்கின்றன. இந்த ரீமேக் உரிமைகளில் மட்டுமே தயாரிப்பாளருக்கு சில பல கோடிகள் லாபமாகக் கிடைத்துள்ளன. தெலுங்கு ரீமேக் உரிமையை விட ஹிந்தி ரீமேக் உரிமை மிகப் பெரும் விலைக்கு விற்கப்பட்டுள்ளதாகச் சொல்கிறார்கள். சல்மான் கானின் சொந்தத் தயாரிப்பு நிறுவனம்தான் படத்தை வாங்கியுள்ளதாம். இது சம்பந்தமாக கடந்த இரண்டு நாட்களாக ஹிந்தி மீடியாக்களில் செய்திகள் வெளிவந்தவண்ணம் உள்ளன.
ஆனால், படத்தில் சல்மானே நடிக்கப் போகிறாரா அல்லது வேறு யாராவது ஒரு முன்னணி நடிகர் நடிப்பாரா என்பதைப் பற்றி இன்னும் முடிவு செய்யவில்லையாம். இப்போதைக்கு படத்தை இயக்கப் போவது யார் என்பது குறித்து விவாதித்து வருகிறார்களாம். அனேகமாக தமிழ்ப் படத்தை இயக்கிய ராஜா இயக்க வாய்ப்பில்லை என்றே சொல்கிறார்கள். ஹிந்தியில் ஏற்கெனவே பிரபலமான இயக்குனர் இயக்கினால் நன்றாக இருக்கும் என சல்மான் வட்டாரம் நினைக்கிறதாம். அவருடைய லிஸ்ட்டில் ஏ.ஆர்.முருகதாஸ் கூட இருப்பதாகச் சொல்கிறார்கள்.
அடுத்த வருடம்தான் படத்தை ஆரம்பிக்க உள்ளார்களாம், அதற்குள் படத்தின் மற்ற விவரங்களை முடிவு செய்துவிடுவார்கள் என பாலிவுட் வட்டாரங்கள் தெரிவிக்கின்றன.