அஜித் படத்தில் இணையும் இளம் நடிகை | மே 17ல் ரிலீஸ் ஆகும் எலெக்சன் படம் | ஆளைக் கொல்லும் நடிப்பு : பஹத் பாசிலுக்கு நயன்தாரா பாராட்டு | துருவா சார்ஜா வீட்டு விழாவில் குடும்பத்துடன் பங்கேற்ற சஞ்சய் தத் | குஷ்புவுக்கு குழந்தை பிறக்காது என சொன்னார்கள் : மனம் திறந்த சுந்தர்.சி | கூலி டீசர் குறித்து விமர்சிக்கவில்லை : வெங்கட் பிரபு விளக்கம் | நடிப்பு குறித்து கிண்டலடித்த ரசிகைக்கு காட்டமாக பதில் அளித்த மாளவிகா மோகனன் | ஸ்ருதிஹாசன் பிரிவை உறுதி செய்த காதலன் | மகளுடன் இணைந்து நடிக்கும் ஷாரூக்கான் | ஜல்லிக்கட்டு பின்னணியில் உருவாகும் 'நின்னு விளையாடு' |
சல்மான் கான் படத்திற்கு கிடைக்கும் வசூலைக் கண்டு பல பாலிவுட் நட்சத்திரங்கள் ஆடிப் போயிருக்கிறார்களாம். இவருக்கு மட்டும் இப்படி வசூல் அள்ளிக் குவிகிறதே என்ற ஆச்சரியத்திலும் அதிர்ச்சியிலும் மூழ்கிப் போயிருக்கிறார்கள். அநேகமாக இந்த ஆண்டில் இதுவரை வந்த படங்களிலேயே 'கிக்' திரைப்படம் வசூலில் புதிய சாதனை படைக்கும் என்கிறார்கள். வெளியான நான்கே நாட்களில் இந்தியாவில் மட்டும் 100 கோடி ரூபாய் வசூல் செய்த இந்தப் படம் உலகம் முழுவதும் இதுவரை வசூல் செய்த தொகை 150 கோடியைத் தாண்டி விடும் என்கிறார்கள்.
சல்மான் கான் நடித்து இதுவரை வெளிவந்த படங்களின் வசூலையெல்லாம் இந்தப் படம் முறியடிக்கும் வாய்ப்பும் ஏற்பட்டுள்ளதாகச் சொல்கிறார்கள். சல்மான் கான் ஜோடியாக நடித்துள்ள ஜாக்குலின் பெர்ணான்டசின் கிளாமரான நடிப்பும், ரசிகர்களை வெகுவாகக் கவர்ந்துவிட்டதாம். தெலுங்கு, தமிழில் இந்தப் படம் ஏற்கெனவே வெளிவந்திருந்தாலும், கதையைக் கொஞ்சம் மாற்றி பாலிவுட் ரசிகர்களுக்கு ஏற்பட எடுத்திருந்தார்களாம். அதை இங்குள்ளவர்கள் விமர்சனம் செய்தாலும் உலகம் முழுவதும் உள்ள ஹிந்திப் பட ரசிகர்கள் நன்றாகவே ரசிக்கிறார்களாம்.
இப்படத்தின் தமிழ்ப் பதிப்பான 'தில்லாலங்கடி'யில் ஜெயம் ரவி 'கிக்கோ கிக்கு' என டயலாக் பேசுவார். அது ஜெயம் ரவிக்கு நடந்ததோ இல்லையோ, சல்மான்கானுக்கு வெற்றியிலும், வசூலிலும் 'டபுள் கிக்கோ கிக்கு' என நடந்து வருகிறது.