Dinamalar

என் சகோதரி நல்லா நடித்திருக்கிறாரா? - பிரித்விராஜிடம் விசாரித்த அமீர்கான்

நடிகர் பிரித்விராஜ் கடந்த 2019ல் இயக்குனர் அவதாரம் எடுத்து மோகன்லாலை வைத்து லூசிபர் என்கிற படத்தை இயக்கினார். அரசியல் பின்புலத்தில் உருவான இந்த படம் மிகப்பெரிய வெற்றியையும், வசூலையும் பெற்றது. இதைத் தொடர்ந்து இந்த படத்தின் இரண்டாம் பாகமாக எம்புரான் திரைப்படம் உருவாகியுள்ளது. வரும் மார்ச் 27ல் வெளியாக இருக்கிறது.

மோகன்லால், மஞ்சு வாரியர், பிரித்விராஜ், டொவினோ தாமஸ் உள்ளிட்ட முதல் பாகத்தில் நடித்த பல பிரபலங்களும் இதிலும் இடம் பெற்றுள்ளனர். தவிர இந்த படம் பான் இந்திய படமாக வெளியாக இருப்பதால் பாலிவுட்டில் இருந்தும் குணச்சித்திர நடிகையான நிஹாந்த் கான் ஹிட்டு என்பவர் சுபத்ரா பென் என்கிற முக்கிய கதாபாத்திரத்தில் நடித்துள்ளார். இவர் பாலிவுட் நடிகர் அமீர்கானின் சகோதரி ஆவார்.

சமீபத்திய இதன் புரமோஷன் நிகழ்ச்சி ஒன்றில் இயக்குனர் பிரித்விராஜ் பேசும்போது, "நான் ஒரு சில பாலிவுட் படங்களை பார்த்துவிட்டு சுபத்ரா பென் கதாபாத்திரத்திற்கு இந்த நடிகை நடித்தால் நன்றாக இருக்கும் என வரவழைத்து ஆடிஷன் செய்து பார்த்தேன். அந்த கேரக்டருக்கு பொருத்தமாக இருந்தார். அப்போது என்னுடைய மேனேஜர், சார் இவர் நடிகர் அமீர்கானின் சகோதரி என்கிற தகவலை சொன்னதும் நான் அதிர்ச்சியும் ஆச்சரியமும் அடைந்தேன்.. உடனடியாக அமீர் கானுக்கு போன் செய்து இந்த விஷயத்தை கூறினேன். இதோ இப்போது கூட அமீர்கான் எனக்கு போன் செய்து என்னுடைய சகோதரி இந்த படத்தில் நன்றாக நடித்து இருக்கிறாரா என்று கேட்டார். நான் சூப்பராக நடித்திருக்கிறார் என்று பதில் சொன்னேன்' என கூறியுள்ளார்.

• 
  ஆஸ்கர் விருதுக்காக நான்காவது குழந்தை பெற்றுக் கொள்ள தயார் : வீர தீர சூரன் ...
• 
  இளையராஜாவுக்கு 'பாரத ரத்னா' விருது வழங்க பரிசீலனை?
• 
  ஆன்லைன் முன்பதிவில் சாதனை படைத்த 'எல் 2 எம்புரான்'
• 
  அடுத்த மூன்று முக்கிய வெளியீடுகளில் இசை ஜிவி பிரகாஷ்குமார்
• 
  ‛வார் 2' படத்தால் ‛கூலி' படத்திற்கு அடித்த ஜாக்பாட்

• 
  பதட்டத்துடன் சிக்கந்தர் படப்பிடிப்பை நடத்திய ஏ.ஆர். முருகதாஸ்
• 
  நடிகை ரகுல் ப்ரீத் சிங் கணவரின் வீட்டில் குடியேறும் ஷாருக்கான்!
• 
  சித்தார்த் - கியாரா திருமணத்தால் பல நாட்கள் அழுதேன் ; கிச்சா சுதீப் மகள் ...
• 
  சல்மான்கான் குடும்பத்தினருடன் 'சிக்கந்தர்' படம் பார்த்த ஏ.ஆர் ...
• 
  'எல் 2 எம்புரான்' டிரைலர்களில் 'லைக்கா' பெயர்