Dinamalar

மகேஷ்பாபுவின் மச்சினிச்சியை கிண்டலடித்த பரா கான்

பாலிவுட்டில் பிரபல நடன இயக்குனராக இருந்து பின்னர் இயக்குனராகவும் மாறியவர் பரா கான். ஷாருக்கான் நடித்த மெயின் ஹூன் நா, ஓம் சாந்தி ஓம் உள்ளிட்ட சில படங்களை இயக்கியுள்ளார். கடந்த 1998ல் மணிரத்னம் இயக்கத்தில் ஹிந்தியில் வெளியான தில்சே (தமிழில் 'உயிரே') படத்தில், ஓடும் ரயில் மீது ஷாருக்கான் மலைக்கா அரோரா உள்ளிட்ட நடன குழுவினர் ஆடிப்பாடும் விதமாக படமாக்கப்பட்டு இடம்பெற்ற சூப்பர் ஹிட்டான சைய்ய சைய்யா என்கிற பாடலுக்கு நடனம் வடிவமைத்தவர் இவர்தான்.

அந்த பாடலுக்கு முதலில் மழைக்கா அரோராவுக்கு பதிலாக நடனமாட இருந்தது நடிகை ஷில்பா ஷிரோத்கர் தான். இவர் நடிகர் மகேஷ்பாபுவின் மனைவியான நம்ரதா ஷிரோத்களின் சகோதரி தான். ஆனால் இந்த பாடலுக்காக ஷில்பா ஷிரோத்கரை ஒப்பந்தம் செய்ய சென்றபோது அவர் உடல் எடை கூடி காணப்பட்டார். இதை பார்த்து அதிர்ச்சியான பரா கான் இந்தப் பாடலில் உன்னால் இந்த உருவத்துடன் எப்படி ஓடும் ரயிலில் நின்றபடி நடனம் ஆட முடியும். அப்படியே நீ நின்றாலும் அங்கே ஷாருக்கான் நிற்பதற்கு இடம் இருக்காதே என கிண்டலாக கூறியவர், இருந்தாலும் உனக்கு 15 நாட்கள் டைம் கொடுக்கிறேன் உடல் எடையை குறைத்தால் உன்னை இந்த பாடலில் நடிக்க வைக்கிறேன் என்று கூறியுள்ளார்.

ஆனால் சொன்னபடி ஷில்பா ஷிரோத்கரால் உடல் எடையை குறைக்க முடியவில்லை. அதன் பிறகு தான் மலைக்கா அரோராவை வைத்து அந்த பாடலை படமாக்கினார் பரா கான். இது குறித்த தகவலை சமீபத்திய வீடியோ ஒன்றில் பகிர்ந்து கொண்டுள்ளார் பரா கான். ஆனாலும் ஒருவேளை இந்த சைய்ய சைய்யா பாடலின் இரண்டாம் பாகம் எடுக்கப்பட்டால் அதில் நிச்சயமாக ஷில்பா ஷிரோத்கருக்கு வாய்ப்பு கொடுப்பேன் என்றும் நகைச்சுவையாக கூறியுள்ளார் பரா கான்.

• 
  'எல் 2 எம்புரான்' படத்தின் பட்ஜெட் இவ்வளவுதானா ?
• 
  அஜித், தனுஷ் கூட்டணியை உறுதி செய்த தயாரிப்பாளர்!
• 
  சல்மான்கான் சொன்ன கதைக்கு மறுப்பு தெரிவித்து ஏ.ஆர். முருகதாஸ்!
• 
  தனுஷ், விக்னேஷ் ராஜா படத்தின் புதிய அப்டேட்!
• 
  முதல் பாகத்தில் இறந்தேன்.. 2ம் பாகத்தில் நடித்துள்ளேன் ; எம்புரான் நடிகர் ...

• 
  பதட்டத்துடன் சிக்கந்தர் படப்பிடிப்பை நடத்திய ஏ.ஆர். முருகதாஸ்
• 
  என் சகோதரி நல்லா நடித்திருக்கிறாரா? - பிரித்விராஜிடம் விசாரித்த ...
• 
  நடிகை ரகுல் ப்ரீத் சிங் கணவரின் வீட்டில் குடியேறும் ஷாருக்கான்!
• 
  சித்தார்த் - கியாரா திருமணத்தால் பல நாட்கள் அழுதேன் ; கிச்சா சுதீப் மகள் ...
• 
  சல்மான்கான் குடும்பத்தினருடன் 'சிக்கந்தர்' படம் பார்த்த ஏ.ஆர் ...