Dinamalar

‛மலாட் மஸ்தி' நிகழ்ச்சியில் பங்கேற்ற சோனு சூட், ஜாக்குலின், ரஷா ததானி

நம்மூரில் நடக்கும் ஹேப்பி ஸ்ட்ரீட் நிகழ்ச்சி போன்று மும்பையில் ‛மலாட் மஸ்தி' நிகழ்ச்சி பிரபலம். இசை, பாட்டு, ஆட்டம் என பலரும் பங்கேற்று மகிழ்வர். இந்தாண்டு மும்பையில் நடந்த மலாட் மஸ்தி 2025 நிகழ்ச்சியை எம்எல்ஏ அஸ்லம் ஷேக் ஏற்பாடு செய்தார். இதில் நடிகர்கள் சோனு சூட், ஜாக்குலின் பெர்ணான்டஸ், ரஷா ததானி, அமன் தேவ்கன் போன்ற பிரபலங்கள் பங்கேற்று சிறப்பித்தனர்.

நிகழ்ச்சியில் பேசிய சோனு சூட், ‛‛மிகவும் சிறப்பான நாள். எங்களின் பதே படம் ஜன., 10ல் ரிலீஸாகிறது. முதல்முறையாக நான் படத்தை இயக்கி உள்ளதால் இன்னும் சிறப்பானது. ஜாக்குலின் உடன் நடிக்கும் வாய்ப்பு கிடைத்தது. அவருடன் இயக்குனராக பணிபுரிவது மகிழ்ச்சியாக இருந்தது. எதற்கு ஹாலிவுட் போன்ற படத்தை எடுக்க வேண்டும் என ரசிகர்கள் கூறுவார்கள். அப்படியொரு படம் எடுப்போம் என்றேன். இப்போது இந்த படத்தை பார்த்துவிட்டு ஹாலிவுட்காரர்கள் ஏன் இதுபோன்ற படத்தை எடுக்க கூடாது என நினைப்பார்கள்'' என்றார்.

ஜாக்குலின் கூறுகையில், ‛‛முதல்முறையாக மலாட் மஸ்தியில் பங்கேற்கிறேன். ஜன.,10ல் திரையரங்குகளில் எங்கள் பதே படம் வருகிறது. நீங்கள் ரசிப்பீர்கள்'' என்றார்.

ராஷா கூறுகையில், ‛‛நான் இங்கு இருப்பதில் மகிழ்ச்சி அடைகிறேன். எங்களது ஆசாத் திரைப்படம் ஜனவரி 17 அன்று வெளியாகவுள்ளது. நீங்கள் அனைவரும் எங்கள் படத்தை தியேட்டரில் பாருங்கள்” என்றார்.

அஜய் தேவ்கனின் மருமகன் அமன் தேவ்கனும், ரவீனா டாண்டனின் மகள் ரஷா ததானியும் ஆசாத் படத்தின் மூலம் பாலிவுட்டில் அறிமுகமாக உள்ளனர் என்பது குறிப்பிடத்தக்கது.

• 
  தக்லைப் படத்தின் 'விண்வெளி நாயகா' பாடலின் லிரிக்கல் வீடியோ வெளியானது!
• 
  நான் சந்தோஷத்தை வெளியில் தேடியது கிடையாது! - 'குபேரா' பட விழாவில் தனுஷ் ...
• 
  தோழிகள் படைசூழ தாய்லாந்து நாட்டிற்கு டூர் சென்ற கவுரி கிஷன்!
• 
  அந்தமான் செல்லும் சாய் தன்சிகா: ஏன் தெரியுமா?
• 
  பட விழாவுக்கு வரமுடியாததால் வீடியோகாலில் பேசிய யோகிபாபு

• 
  பாலியல் குற்றச்சாட்டுக்கு ஆளான ஒளிப்பதிவாளர் குறித்து தயாரிப்பாளர் ...
• 
  ஹாலிவுட் படத்தில் நடிக்கும் திஷா பதானி
• 
  மோகன்லால், மம்முட்டி படத்தை முடித்துவிட்டு சல்மான் கானை இயக்க தயாராகும் ...
• 
  தீபிகாவுக்கு ஆதரவாகப் பேசினாரா அஜய் தேவ்கன்?
• 
  அயோத்தியில் நான்காவது 'மனை' வாங்கிய அமிதாப்பச்சன்