உணவு சாப்பிட ஒரேகாரில் வந்த ஒன்றாக வந்த சித்தார்த் - அதிதி ராவ் - Siddharth

நீங்கள் இங்கே இருக்கிறீர்கள்: முகப்பு » பாலிவுட் செய்திகள் »

உணவு சாப்பிட ஒரேகாரில் வந்த ஒன்றாக வந்த சித்தார்த் - அதிதி ராவ்

22 பிப், 2023 - 12:14 IST

எழுத்தின் அளவு:

இயக்குனர் ஷங்கர் இயக்கிய பாய்ஸ் படம் மூலம் கதாநாயகனாக அறிமுகமானவர் நடிகர் சித்தார்த். அதைத் தொடர்ந்து தமிழ், தெலுங்கு, ஹிந்தி என பிஸியாக நடித்து வந்தவர் தற்போது குறைந்த அளவிலான படங்களில் மட்டுமே நடித்து வருகிறார். இதற்கிடையே ஒவ்வொரு காலகட்டத்திலும் ஸ்ருதிஹாசன், சமந்தா என தன்னுடன் இணைந்து நடிக்கும் நடிகைகள் யாராவது ஒருவருடன் இணைத்து கிசுகிசுக்கப்பட்டு வந்தார்.

அந்தவகையில் சமீபத்தில் வெளியான மகா சமுத்திரம் என்கிற படத்தில் அவருடன் இணைந்து நடித்த நடிகை அதிதி ராவ் ஹைதரியுடன் மிகுந்த நெருக்கம் காட்டி வருகிறார் சித்தார்த். இவர்கள் இருவரும் காதலித்து வருகிறார்கள் என்று சொல்லப்பட்டு வரும் நிலையில் அதை உறுதி செய்வது போல இருவரும் பொதுவெளியில் ஜோடியாக வலம் வருகிறார்கள். பல திரைப்பட நிகழ்வுகளிலும் இணைந்து கலந்து கொண்டு வருகிறார்கள்.

இந்த நிலையில் தற்போது மும்பையில் உள்ள ரெஸ்டாரன்ட் ஒன்றில் உணவருந்துவதற்காக ஒரே காரில் ஒன்றாக வந்த இருவரையும் அங்கிருந்த புகைப்பட கலைஞர்கள் படம் பிடித்தனர். அதிதிராவ் அவர்களுக்கு நன்றாக போஸ் கொடுக்க, நடிகர் சித்தார்த்தோ வழக்கம் போல தனது முகத்தை மாஸ்க்கால் மூடியபடி விறுவிறுவென ரெஸ்டாரண்டுக்குள் சென்று விட்டார். கொரோனா காலகட்டம் முடிந்து பெரும்பாலானோர் அனைவரும் மாஸ்க் அணியாமல் தைரியமாக வலம்வரும் நிலையில், நடிகர் சித்தார்த் மட்டும் இன்னும் மாஸ்க்குடன் வலம் வருவது குறித்து திரையுலகிலேயே பலரும் கிண்டலாக விமர்சித்து வருகிறார்கள்.

Siddharth

Aditiraohydari

கருத்துகள் (0) கருத்தைப் பதிவு செய்ய

பாலிவுட் பாடகருடன் வலுக்கட்டாய ...

அனார்கலியாக நடிக்கும் அதிதி ராவ்

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய