சல்மான்கானுக்கு டெங்கு : பிக்பாஸ் சீசன் 16க்கு பொறுப்பேற்ற கரண் ஜோஹர்

நீங்கள் இங்கே இருக்கிறீர்கள்: முகப்பு » பாலிவுட் செய்திகள் »

22 அக், 2022 - 03:26 IST

எழுத்தின் அளவு:

இந்தியாவில் இந்தியில் தான் முதன்முதலாக பிக்பாஸ் நிகழ்ச்சி துவங்கப்பட்டது. தற்போது அங்கே 16வது சீசன் துவங்கி நடைபெற்று வருகிறது.. துவக்கத்தில் ஷில்பா ஷெட்டி, அமிதாப்பச்சன் போன்றோர் ஒருசில சீசன்களை தொகுத்து வழங்கினாலும், பிக்பாஸ் என்றாலே சல்மான்கான் தான் என்று சொல்லும் வகையில் கிட்டத்தட்ட பதிமூன்று சீசன்கள் வரை அவர் தொகுத்து வழங்கியுள்ளார். இந்த 16 வது சீசனையும் அவர் தொகுத்து வழங்கி வந்த நிலையில் தற்போது டெங்கு காய்ச்சலால் பாதிக்கப்பட்டு படப்பிடிப்பு உள்ளிட்ட தனது வேலைகளை தற்காலிகமாக நிறுத்தி விட்டு ஓய்வெடுத்து வருகிறார்.

இந்த நிலையில் பிக்பாஸ் சீசன்-16 நிகழ்ச்சியை சல்மான்கானுக்கு பதிலாக அவர் மீண்டு(ம்) வரும்வரை பிரபல பாலிவுட் இயக்குநரும் தயாரிப்பாளருமான கரண் ஜோஹர் ஏற்று நடத்த இருக்கிறார். இதுகுறித்த புரோமோ ஒன்றும் தற்போது வெளியாகியுள்ளது. பாலிவுட்டை பொறுத்தவரை கரண் ஜோஹர் பல ரியாலிட்டி ஷோக்களை திறம்பட நடத்தியவர் என்பதால் சல்மான்கானுக்கு பதிலாக அவருக்கு இந்த வாய்ப்பு சென்றுள்ளது.

அதுமட்டுமல்ல கரண் ஜோஹர் முதன்முதலாக பாலிவுட்டில் ஷாருக்கான் நடித்த குச் குச் ஹோத்தா ஹை என்ற படம் மூலம் இயக்குனராக அறிமுகமானபோது அதில் இரண்டாவது கதாநாயகனாக நடிப்பதற்கு பலரும் மறுத்த நிலையில் அப்போது சல்மான்கான் தான் அவருக்கு கை கொடுத்தார் என்பது இங்கே குறிப்பிடத்தக்கது..

Karanjohar

Salmankhan

Biggboss16

BB16

கருத்துகள் (0) கருத்தைப் பதிவு செய்ய

'பெடியா' - ஓநாய் மனிதனாக நடிக்கும் ...

திருநங்கையாக நடிக்கும் சுஷ்மிதா ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய