Dinamalar

2021ல் அதிகப் படங்களில் சந்தானம்

தமிழ்த் திரையுலகில் கடந்த பல வருடங்களாக நகைச்சுவை நடிகர்களில் முன்னணி நடிகராக இருந்தவர் சந்தானம். திடீரென நடித்தால் நாயகனாக மட்டும் தான் நடிப்பேன் என்ற கொள்கை முடிவை எடுத்தார்.

அவர் நாயகனாக நடித்த முதல் படம் தோல்வியடைந்தாலும் அதன்பின் வெற்றியை ருசிக்க ஆரம்பித்தார். 2016ல் வெளிவந்த 'தில்லுக்கு துட்டு' அவருக்கு நாயகனாக முதல் வெற்றியைக் கொடுத்தது.

தொடர்ந்து 'தில்லுக்கு துட்டு 2, ஏ 1, டகால்டி' ஆகிய படங்கள் அவருக்கு வெற்றிப் படங்களாக அமைந்தன. கடந்த வருடம் வெளிவந்த 'பிஸ்கோத்' சுமாரான வெற்றியைத்தான் கொடுத்தது.

தற்போது மேலும் சில படங்களில் நாயகனாக நடித்து வருகிறார் சந்தானம். அடுத்து அவர் நாயகனாக நடித்துள்ள 'டிக்கிலோனா' படம் வெளியாக உள்ளது. அதற்குப் பிறகு 'சபாபதி, பாரிஸ் ஜெயராஜ்' ஆகிய படங்கள் வெளியாகலாம்.

மேலும், சில வருடங்களுக்கு முன்பே முடிந்து வெளியாகாமல் இருக்கும் 'சர்வர் சுந்தரம்' படமும் இந்த வருடத்தில் வெளியாகலாம்.

அவர் நாயகனாக நடித்து வந்த 'மன்னவன் வந்தானடி, ஓடி ஓடி உழைக்கணும்' ஆகிய படங்கள் தொடர்ந்து படப்பிடிப்பு நடக்குமா என்பது சந்தேகம்தான். மேலும், சில புதிய படங்களில் அடுத்தடுத்து அவர் நடிக்க ஒப்பந்தமாகலாம் என்றே கோலிவுட் வட்டாரங்கள் தெரிவிக்கின்றன.

இந்த 2021ம் ஆண்டில் சந்தானம் நாயகனாக நடிக்கும் நான்கைந்து படங்கள் வெளிவர வாய்ப்புள்ளது.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  வரி ஏய்ப்பு : நாகார்ஜுனா, வெங்கடேஷ் குடும்ப ஸ்டுடியோக்களுக்கு நோட்டீஸ்
• 
  ஜனநாயகன் - தெலுங்கு வியாபாரம் முடிவு
• 
  தெலுங்கில் ரீரிலீசாகும் 'பையா' : மீண்டும் பார்க்க கார்த்தி ஆர்வம்
• 
  யு டியுப் சேனல்கள், சமூக வலைத்தளங்கள் இளையராஜா புகைப்படங்களை பயன்படுத்த ...
• 
  கஞ்சா வழக்கு : சிம்பு பட தயாரிப்பாளர் கைது