Dinamalar

தக் லைப் படத்தின் சிறப்பு காட்சிக்கு அனுமதி

கமல், சிம்பு, திரிஷா, அபிராமி, அசோக் செல்வன், ஜோஜு ஜார்ஜ், நாசர் உள்ளிட்டோர் நடிப்பில் உருவாகி உள்ள படம் ‛தக் லைப்'. மணிரத்னம் இயக்க, ஏஆர் ரஹ்மான் இசையமைத்துள்ளார். இதன் பாடல்கள், டிரைலர் வெளியாகி வரவேற்பை பெற்றன. நாளை(ஜுன் 5) பான் இந்தியா படமாக தமிழ், தெலுங்கு, மலையாளம், ஹிந்தி ஆகிய மொழிகளில் வெளியாக உள்ளது.

தமிழில் இருந்து கன்னடம் பிறந்தது என கமல் பேசியதால் கர்நாடகா மாநிலத்தில் இந்த படத்திற்கு எதிர்ப்பு கிளம்பி உள்ளது. அங்கு படத்தை வெளியிட தடை எழுந்த நிலையில் கமல் தரப்பு கோர்ட்டை நாடியது. கமல் மன்னிப்பு கேட்டால் படத்தை வெளியிடலாம் என நீதிபதி கூறிய நிலையில் கமல் மன்னிப்பு கேட்கவில்லை. மாறாக கர்நாடகாவில் இந்த பிரச்னை முடியும் வரை தக் லைப் படம் வெளியாகாது என அறிவித்துள்ளார்.

பொதுவாக பெரிய நடிகர்கள் படங்கள் வெளியாகும் போது அந்த படங்களின் சிறப்பு காட்சிக்கு தமிழக அரசு அனுமதி வழங்கும். அதன்படி தக் லைப் படத்திற்கும் சிறப்பு காட்சிக்கு அனுமதி அளிக்கும்படி படக்குழு சார்பில் வேண்டுகோள் வைக்கப்பட்டது. அதை ஏற்று நாளை ஒரு நாள் மட்டும் இந்த படத்திற்கு 4 காட்சிகளுக்கு பதிலாக 5 காட்சிகள் நடத்தி கொள்ள தமிழக அரசு அனுமதி வழங்கி உள்ளது. படத்தின் சிறப்பு காட்சி காலை 9 மணிக்கு துவங்குகிறது.

• 
  கதைத் திருட்டு சர்ச்சையில் 'சக்தித் திருமகன்'
• 
  அருந்ததி படம் ஹிந்தியில் ரீமேக் ஆகுவது உறுதி!
• 
  அமெரிக்காவில் ஜாக்கி சானுடன் ஹிருத்திக் ரோஷன் சந்திப்பு
• 
  மீண்டும் ரா ஏஜென்ட் கபீர் ரோலில் ஹிருத்திக் ரோஷன்
• 
  ஹிந்தி நடிகர் சதீஷ் ஷா காலமானார்

• 
  'டாக்சிக்' படத்திற்கு அப்டேட் கொடுத்த தயாரிப்பு நிறுவனம்
• 
  விஷால் பாணியில் நடிகர் யஷ் ; 'டாக்ஸிக்' படப்பிடிப்பில் திடீர் திருப்பம் ...
• 
  கமல் மிஸ் பண்ணிய '20-20' பாடல் ; நடிகர் திலீப் புது தகவல்
• 
  ஸ்ரீலங்காவில் நடைபெறும் ராம்சரணின் 'பெத்தி' படப்பிடிப்பு
• 
  ஆங்கிலத்தில் டப்பிங் ஆகி வெளியாகும் முதல் படம் 'காந்தாரா சாப்டர் 1'