Dinamalar

என் படத்தின் தோல்விக்கு நான் தான் பொறுப்பு ; துல்கர் சல்மான் ஓப்பன் டாக்

நடிகர் துல்கர் சல்மான் மலையாள திரையுலகில் நடிகர் மம்முட்டியின் மகனாக வாரிசு நடிகராக அறிமுகமானவர் என்றாலும் தனது நடிப்புத் திறமையால் வித்தியாசமான கதைகளையும் கதாபாத்திரங்களையும் தேர்ந்தெடுத்து வெற்றிகரமாக தனது திரையுலக பயணத்தை தொடர்ந்து வருகிறார். கடந்த சில வருடங்களாக மலையாளத்தையும் தாண்டி தமிழ், தெலுங்கு அப்படியே பாலிவுட் வரை தன் எல்லையை விரிவு செய்து விட்ட துல்கர் சல்மான் எல்லா மொழிகளிலும் வருடத்திற்கு ஒரு படம் என்கிற கணக்கில் நடித்து வருகிறார்.

தற்போது தெலுங்கு இயக்குனர் வெங்கி அட்லூரி டைரக்ஷனில் 'லக்கி பாஸ்கர்' என்கிற படத்தில் நடித்துள்ளார் துல்கர் சல்மான். இந்த படம் வரும் தீபாவளிக்கு ரிலீஸ் ஆக இருக்கிறது.

இந்த நிலையில் இந்த படத்தின் புரமோஷன் நிகழ்ச்சிகளில் கலந்து கொண்டு வரும் துல்கர் சல்மான் ஒரு பேட்டியில் கூறும்போது, “என்னைப் பொறுத்தவரை ஒரு படம் தோல்வி அடைகிறது என்றால் அது என்னுடைய பொறுப்பு தான்” என்று வெளிப்படையாகவே கூறியுள்ளார்.

கடந்த வருடம் துல்கர் சல்மான் நடிப்பில் மிகப்பெரிய எதிர்பார்ப்பில் வெளியான 'கிங் ஆப் கொத்த' என்கிற திரைப்படம் எதிர்பார்த்த அளவு வெற்றியை பெற தவறி அதிர்ச்சி அளித்தது. இத்தனைக்கும் துல்கர் சல்மான் இந்த படத்தை சொந்தமாக தயாரித்து இருந்தார். அந்தப் படத்திற்குப் பிறகு அவர் மலையாளத்தில் புதிய படங்கள் எதுவும் நடிக்கவில்லை. அந்த படத்திற்கான தோல்விக்கு தான் மட்டுமே பொறுப்பு என்று கூறியுள்ள துல்கர் சல்மான் அந்தப் படத்தின் இயக்குனராக அறிமுகமாகிய தனது நண்பர் அபிலாஷ் ஜோஷி திறமையானவர் என்றும், இன்னொரு படத்தின் மூலம் அவர் ஒரு வெற்றிகரமான இயக்குனராக மாறுவார் என்றும் நம்பிக்கை தெரிவித்துள்ளார்.

• செய்திகள்
• ஆல்பம்
• வீடியோ
• வந்த படங்கள்

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா