Dinamalar

ஆதரவற்ற குழந்தைகள் ஆதிபுருஷ் படம் பார்க்க 2500 டிக்கெட்டுகள் வாங்கிய மஞ்சு மனோஜ் தம்பதி

ராதே ஷ்யாம் படத்தின் தோல்விக்கு பிறகு பிரபாஸ் நடிப்பில் அடுத்து வெளியாக இருக்கும் படம் ஆதிபுருஷ். ராமாயணத்தை தருவி எடுக்கப்பட்டுள்ள இந்த படத்தை இயக்குனர் ஓம் ராவத் என்பவர் இயக்கியுள்ளார். கதாநாயகியாக கிர்த்தி சனோன் நடித்துள்ளார். வரும் ஜூன் 16ஆம் தேதி இந்த படம் வெளியாக இருக்கிறது. இதைத்தொடர்ந்து படத்தின் புரமோஷன் நிகழ்ச்சிகள் ஒரு பக்கம் நடைபெற்று வருகின்றன. இன்னொரு பக்கம் இந்த படத்திற்கான முன்பதிவு துவங்கி விட்ட நிலையில் கடந்த சில தினங்களுக்கு முன்பு பாலிவுட் நடிகர் ரன்பீர் கபூர் ஆதரவற்ற குழந்தைகள் இந்த ஆதிபுருஷ் படத்தை பார்ப்பதற்காக மொத்தம் 10 ஆயிரம் டிக்கெட்டுகள் தனது சொந்த செலவில் வாங்கினார்.

இந்த நிலையில் தெலுங்கு நடிகர் மோகன்பாபுவின் மகனும் நடிகருமான மஞ்சு மனோஜ் மற்றும் அவரது மனைவி பூமா மவுனிகா ரெட்டி இருவரும் இணைந்து இதேபோன்று ஆந்திரா மற்றும் தெலுங்கானாவில் உள்ள ஆதரவற்ற குழந்தைகளை ஆதிபுருஷ் படம் பார்க்க வைக்கும் விதமாக 2500 டிக்கெட்டுகள் வாங்கியுள்ளனர். இது போன்ற பிரபலங்கள் ஆதிபுருஷ் படத்தை ஆதரவற்ற குழந்தைகள் பார்க்க வேண்டும் என்பதற்காக இப்படி மொத்தமாக டிக்கெட் வாங்கி வருவது ஒரு பக்கம் பாராட்டுக்களை பெற்றாலும் இன்னொரு பக்கம் படத்திற்கான பப்ளிசிட்டிகளில் இதுவும் ஒன்று என்றும் சிலர் கூறி வருகின்றனர்.

• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...
• 
  கல்கி 2898 ஏடி ஓராண்டு நிறைவு : அமிதாப்பச்சன் வெளியிட்ட பதிவு
• 
  விஜய் பட இயக்குனருடன் கைகோர்க்கும் அமீர் கான்

• 
  சென்சாருக்கு எதிராக மலையாள திரையுலகினர் நடத்திய நூதன போராட்டம்
• 
  நீ பிரச்னைக்குரியவன் அல்ல : வில்லன் நடிகருக்கு மம்முட்டி சொன்ன அட்வைஸ்
• 
  சுரேஷ்கோபி படத்துக்காக ஒரு ஊரே ஒரு வாரத்திற்கு திருவிழா கோலத்துக்கு ...
• 
  தக் லைப் நடிகருக்கு பதிலடி கொடுத்து வெளியிட்ட பதிவை நீக்கிய இயக்குனர்
• 
  சண்டை ஒரு பக்கம் இருந்தாலும் அண்ணனின் கண்ணப்பா படத்துக்கு தம்பி பாராட்டு