Dinamalar

சின்னத்திரைக்கு வந்தார் வடிவேலு

விஜய் டிவியில் ஒளிபரப்பாகி வரும் நட்சத்திர நிகழ்ச்சியான 'குக் வித் கோமாளி' நிகழ்ச்சியின் சாயலில் இன்னொரு சேனல் 'டாப் குக்கு டூப் குக்கு' என்ற நிகழ்ச்சியை ஒளிபரப்ப இருக்கிறது. 'குக் வித் கோமாளி' நிகழ்ச்சியின் நான்கு சீசன்களில் நடுவராக வந்த வெங்கடேஷ் பட், அந்நிகழ்ச்சியில் இருந்து விலகி இந்த நிகழ்ச்சிக்கு நடுவராகி இருக்கிறார். குக் வித் கோமாளி நிகழ்ச்சியின் நான்கு சீசன்களை தயாரித்த மீடியா மேசன்ஸ் நிறுவனம்தான் இந்த நிகழ்ச்சியையும் தயாரிக்கிறது.

இந்நிகழ்ச்சியில் உள்ள 9 போட்டியாளர்கள் மூன்று அணிகளாக பிரிக்கப்பட்டு, அவர்களுக்கு ஒரு செப்பும் தலைவராக ஒதுக்கப்படுவர். இந்த நிகழ்ச்சியில் வெற்றிபெறும் போட்டியாளருக்கு 20 லட்சம் பரிசுத் தொகையும் வழங்கப்படும் என அறிவிக்கப்பட்டு உள்ளது. இந்நிகழ்ச்சி வாரந்தோறும் ஞாயிற்றுக்கிழமை மதியம் 12.30 மணிக்கு ஒளிபரப்பாகிறது. இந்நிகழ்ச்சியில் குக்குகளாக பெப்சி விஜயன், சோனியா அகர்வால், சைத்ரா ரெட்டி, சிங்கம் புலி, ஐஸ்வர்யா தத்தா, நரேந்திர பிரசாத், சாய் தீனா, ஷாலி நிவாஸ், சுஜாதா சிவகுமார் ஆகியோர் பங்கேற்கிறார்கள். டூப் குக்குகளாக ஜிபி முத்து, தீபா, தீனா, மோனிஷா, அதிர்ச்சி அருண், பரத், கதிர், சவுந்தர்யா, முகுந்த், விஜய் ஆகியோர் பங்கேற்கிறார்கள்.

இந்த நிகழ்ச்சியின் தொடக்க எபிசோட்களில் வடிவேலு கலந்து கொள்கிறார். இதற்கான புரமோ தற்போது வெளியிடப்பட்டுள்ளது. வடிவேலு இதற்கு முன்பும் பல தொலைக்காட்சி நிகழ்ச்சியில் பார்வையாளராக கலந்து கொண்டிருக்கிறார். நிகழ்ச்சி குறித்து கருத்து தெரிவித்து பேசி இருக்கிறார். நேரடியாக கலந்து கொள்ளும் முதல் நிகழ்ச்சி இது என்கிறார்கள்.

• 
  அருந்ததி படம் ஹிந்தியில் ரீமேக் ஆகுவது உறுதி!
• 
  அமெரிக்காவில் ஜாக்கி சானுடன் ஹிருத்திக் ரோஷன் சந்திப்பு
• 
  மீண்டும் ரா ஏஜென்ட் கபீர் ரோலில் ஹிருத்திக் ரோஷன்
• 
  ஹிந்தி நடிகர் சதீஷ் ஷா காலமானார்
• 
  பவர்புல்லான சவுண்ட் ஸ்டோரி : விவேக் ஓபராய்

• 
  ஆபாச படத்தைக் காட்டி 2 கோடி கேட்டு மிரட்டிய நடிகை
• 
  நான் ஏன் பிறந்தேன், முத்து, மார்கன் - ஞாயிறு திரைப்படங்கள்
• 
  உழைக்கும் கரங்கள், எஜமான், கண்ணப்பா - ஞாயிறு திரைப்படங்கள்
• 
  தில்லானா மோகனாம்பாள், அவ்வை சண்முகி, ஜெயிலர் - ஞாயிறு திரைப்படங்கள்
• 
  அரச கட்டளை, தளபதி, நிலவுக்கு என்மேல் என்னடி கோபம் - ஞாயிறு திரைப்படங்கள்