Dinamalar

தமன்னாவின் தெலுங்குப் படத்திற்கு வரவேற்பு

சம்பத் நந்தி இயக்கத்தில் கோபிசந்த், தமன்னா மற்றும் பலர் நடித்து கடந்த வாரம் வெளியான தெலுங்கு படம் 'சீட்டிமார்'. பெண்கள் கபடி விளையாட்டை மையப்படுத்திய இந்தப் படத்திற்கு தெலுங்கு ரசிகர்கள் நல்ல வரவேற்பைக் கொடுத்துள்ளதாக அங்கிருந்து வரும் தகவல்கள் தெரிவிக்கின்றன.

ஜெயம் ரவி நாயகனாக அறிமுகமான 'ஜெயம்' படத்தில் வில்லனாக நடித்தவர் கோபிசந்த். தெலுங்கிலும் சில படங்களில் வில்லனாக நடித்து அதன்பின் கதாநாயகனாக உயர்ந்தார்.

கொரோனா இரண்டாவது அலைக்குப் பிறகு ஆந்திரா, தெலங்கானாவில் தியேட்டர்கள் திறக்கப்பட்டதிலிருந்து பெரிய அளவில் ரசிகர்கள் வரவில்லை. ஆனால், 'சீட்டிமார்' படத்திற்கு படம் வெளியான கடந்த மூன்று நாட்களிலும் நல்ல கூட்டம் வந்துள்ளதாகச் சொல்கிறார்கள். படமும் கமர்ஷியலாக இருப்பதால் எதிர்பார்த்த வெற்றியைப் பெற்றுவிடும் என்கிறார்கள்.

மேலும், 'பாகுபலி' நாயகன் பிரபாஸ் இந்தப் படத்தின் நாயகன் கோபிசந்துக்கு வாழ்த்து தெரிவித்ததும் படத்திற்கு உதவிகரமாக அமைந்துள்ளது. “சீட்டிமார்' படத்தின் மூலம் எனது நண்பன் கோபிசந்த் பிளாக்பஸ்டர் வெற்றியைப் பெற்றுள்ளார். அவருக்காக மகிழ்ச்சியடைகிறேன். கொரானோ இரண்டாவது அலைக்குப் பிறகு நெருக்கடியான சூழலில் இந்த பெரிய படத்தை வெளியிட்ட படக்குழுவிற்கு எனது பாராட்டுக்கள்,” என்றும் தெரிவித்துள்ளார்.

• 
  சுவர் ஏறி குதித்து குழந்தையை காப்பாற்றிய திஷா பதானியின் தங்கை : குவியும் ...
• 
  18வது திருமண நாளில் 'பேமிலி' புகைப்படத்தைப் பகிர்ந்த ஐஸ்வர்யா ராய்
• 
  புஷ்பா 2, ஸ்த்ரீ 2-க்குப் பிறகு சாதனை வசூலில் 'சாவா'
• 
  இந்த வாரம் 'ராமாயணா' படப்பிடிப்பில் கலந்து கொள்ளும் யஷ்!
• 
  ஊர்மிளாவுக்கு 50 வயது மாதிரியா தெரிகிறது… !!

• 
  அட்ஜஸ்ட்மென்ட் குறித்த மாலா பார்வதியின் கருத்துக்கு நடிகை ரஞ்சனி ...
• 
  மகேஷ்பாபுவுக்கு நேரில் ஆஜராக அமலாக்கத் துறை நோட்டீஸ்
• 
  கதை நாயகனாக நடிக்கும் 'காக்கா முட்டை' விக்னேஷ்
• 
  'நிழற்குடையில்' கதை நாயகியாக நடிக்கும் தேவயானி
• 
  பிளாஷ்பேக்: காணாமல் போன நல்ல இயக்குனர்