Dinamalar

டப்பிங் தான் கஷ்டம் - லாஸ்லியா

ஜான்பால், ஷாம் சூர்யா இணைந்து இயக்கியுள்ள பிரண்ட்ஷிப் படத்தில் கதை நாயகியாக பிக்பாஸ் பிரபலம் லாஸ்லியா நடிக்க, அர்ஜுன் சிறப்புத் தோற்றத்தில் நடித்துள்ளார். இவர்களுடன் கிரிக்கெட் வீரர் ஹர்பஜன் சிங், சதீஷ், சக்திவேல் முருகன் உள்ளிட்ட பலர் நடித்துள்ளனர்.

படம் குறித்து லாஸ்லியா அளித்த பேட்டி: நான் தமிழ் படங்களை பார்த்து தான் வளர்ந்தேன். சினிமாவுக்கு வந்த பின் தான் மற்ற மொழிப்படங்களை பார்த்தேன். நான் நடித்து வெளிவரும் முதல் தமிழ் படம் இது. ஆண், பெண் இடையே உள்ள நட்பை பற்றி இப்படம் பேசும். நடிக்கவே நான் இப்போது தான் வந்துள்ளேன். கற்று வருகிறேன். நடிப்பதை காட்டிலும் டப்பிங் பேசுவது கடினமாக இருந்தது. கல்லுாரியில் நடக்கும் அரசியல் கலந்த களத்தில் படம் உருவாகியுள்ளது. தமிழ், தெலுங்கு, இந்தியில் வெளியாகிறது. 2021 புதுவசந்தம் படம் போல் இருக்கும். ஹர்பஜன்சிங் ரஜினி ரசிகராக நடித்துள்ளார். அவருடன் நடித்தது மறக்க முடியாதது. என்றார்.

இயக்குனர்கள் கூறுகையில், ‛முதல்வன், ஜென்டில்மேன் படத்திற்கு பின் ஒரு உணர்வு இப்படத்தில் தான் ஏற்பட்டது என அர்ஜுன் கூறியது மறக்க முடியாது. ஹர்பஜன் சிங் கோபக்காரராக இருப்பார் என நினைத்தேன். ஆனால் ரொம்ப ஜாலியான, நடிப்பில் அக்கறை கொண்ட மனிதர். அவருடன் மீண்டும் கூட்டணி அமையும்' என்றனர்.

• 
  தீபிகாவிற்கு கிடைத்த கவுரவம் : 2026 ‛‛ஹாலிவுட் வாக் ஆப் பேம்'' -விற்கு ...
• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?
• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...

• 
  புஷ்கர் - காயத்ரி அடுத்த படத்தில் சிவகார்த்திகேயன்?
• 
  செல்வராகவன் நடிக்கும் புதிய பட அறிவிப்பு!
• 
  பைசன் படம் குறித்து இயக்குனர் ராம் வெளியிட்ட தகவல்
• 
  ஒர்க் அவுட்டின்போது டிரெண்டிங் பாடலுக்கு நடனமாடிய மிருணாள் தாக்கூர்
• 
  ஓடிடியில் வெளியான கமலின் தக் லைப்