Dinamalar

தமிழ் சினிமாவின் தற்போதைய காமெடி நடிகர் யார் ?

தமிழ் சினிமா முடங்கி ஏறக்குறைய ஒன்றரை ஆண்டுகள் கடந்துவிட்டது. கொரோனா முதல் அலைக்குப் பின் தியேட்டர்கள் திறக்கப்பட்டாலும், அந்த ஒரு சில மாதங்களில் ஓடியதே ஒன்றிரண்டு படங்கள் தான். முன்னணி கதாநாயகர்கள் நடித்த படங்களே தியேட்டர்களில் திட்டமிட்டபடி வராமல் தவித்துக் கொண்டிருக்க இருக்கும் ஒன்றிரண்டு காமெடி நடிகர்களும் கதாநாயகர்களாக மாறிவிட்டார்கள். அதனால், தமிழ் சினிமாவில் தற்போதைக்கு காமெடியில் பெரிய வெற்றிடம் ஏற்பட்டுள்ளது.

வடிவேலு, சந்தானம், யோகி பாபு ஆகியோரைத் தொடர்ந்து வெற்றிமாறன் இயக்கத்தில் உருவாகி வரும் 'விடுதலை' படத்தின் மூலம் நகைச்சுவை நடிகர் சூரி கதாநாயகனாக உயர்ந்துவிட்டார். அவரைத் தொடர்ந்து ஏஜிஎஸ் என்டர்டெயின்மென்ட் தயாரிக்கும் 21வது படத்தில் சதீஷ் கதாநாயகனாக நடித்து வருகிறார். இப்படி அடுத்தடுத்து நகைச்சுவை நடிகர்கள் நாயகர்களாக மாறி வரும் நிலையில் தமிழ் சினிமாவில் நகைச்சுவை நடிகர்களுக்கான பஞ்சம் ஏற்பட்டுள்ளது.

வடிவேலு, சந்தானம் ஆகியோருக்குப் பிறகு தமிழ் சினிமாவில் நிலையான ஒரு இடத்தை வேறு எந்த ஒரு காமெடி நடிகரும் பிடிக்கவில்லை. அவர்களது படக்காட்சிகள் தான் மீம்ஸ் வடிவில் இன்று சமூக வலைத்தளங்களில் அதிகம் சுற்றி வருகிறது. அதை வைத்தே அவர்கள் ரசிகர்களை எந்த அளவிற்கு கவர்ந்துள்ளார்கள் என்பதைத் தெரிந்து கொள்ளலாம்.

யோகி பாபு, சூரி, சதீஷ் ஆகியோர் இடம் பெற்ற மீம்ஸ்கள் மிக மிகக் குறைவு. நகைச்சுவை நடிகர்களாக ரசிகர்களின் மனதில் நிரந்தர இடம் பிடிப்பதற்கு முன்பாகவே அவர்கள் தங்களை ஹீரோக்களாக மாற்றிக் கொண்டார்கள். இருப்பினும் தவிர்க்க முடியாத சில சூழலில் சில முன்னணி நடிகர்களின் படங்களில் மட்டும் நகைச்சுவை நடிகராக நடித்து வருகிறார்கள்.

தங்களுக்கான தடத்திலிருந்து மாறுவது தவறில்லைதான், அதை சரியாக அமைத்துக் கொண்டால் பரவாயில்லை என திரையுலகில் கிசுகிசுக்கிறார்கள்.

• 
  வசூல் கொட்டுது... : 10 நாளில் ரூ.552.70 கோடியை குவித்த ‛துரந்தர்'
• 
  நான் அழுதால் நீங்கள் சிரிப்பீர்கள் ; சல்மான்கான் வெளிப்படை பேச்சு
• 
  தெலுங்கில் டப் செய்யப்படும் ரன்வீர் சிங்கின் 'துரந்தர்'
• 
  16 வயதுக்கு கீழ் உள்ளவர்களுக்கு தடை செய்ய வேண்டும் : சோனு சூட்
• 
  விவாகரத்து வதந்தி : கடும் கோபத்தை வெளிப்படுத்திய அபிஷேக் பச்சன்

• 
  ஹனி ரோஸின் ‛ரேச்சல்' படம் ரிலீஸ் ஒத்திவைப்பு
• 
  புத்தாண்டு தினத்தில் அஜித் 64வது பட அறிவிப்பு வெளியாகிறதா?
• 
  கருப்பு படத்தின் சாட்டிலைட் உரிமையை வாங்கிய ஜீ தமிழ் சேனல்
• 
  மதுப்பழக்கம் துவங்கியது புகுந்த வீட்டில் தான்; நடிகை ஊர்வசி
• 
  எம்ஜிஆர் நினைவுநாளில் 'வா வாத்தியார்' வருகிறார்…???