Dinamalar

'அஞ்சான்' இயக்குனருக்குக் கிடைத்த அசத்தல் பாராட்டு

தமிழ் சினிமாவில் எவ்வளவோ படங்கள் தோல்வி அடைந்திருக்கின்றன. சில பெரிய நடிகர்களின் படங்களே கூட படுதோல்வி அடைந்து பல கோடி நஷ்டத்தை ஏற்படுத்தியிருக்கின்றன. ஆனால், லிங்குசாமி இயக்கத்தில் சூர்யா நாயகனாக நடித்த 'அஞ்சான்' படத்தின் தோல்வியைப் பற்றி இன்னமும் பலர் பேசிக் கொண்டுதான் இருக்கிறார்கள்.

சமீபத்தில் கூட 'ஜகமே தந்திரம்' படம் வெளிவந்த போது கூட ரஜினிகாந்திற்கு 'பாபா', விஜய்க்கு 'சுறா', சூர்யாவுக்கு 'அஞ்சான்' போல தனுஷுக்கு 'ஜகமே தந்திரம்' என சமூக வலைத்தளங்களில் குறிப்பிட்டிருந்தார்கள்.

'அஞ்சான்' தோல்வியிலிருந்து மீண்டு 'சண்டக்கோழி 2' படத்தை லிங்குசாமி இயக்கியிருந்தாலும் அப்படமும் வெற்றி பெறவில்லை. இருப்பினும் எப்படியோ தெலுங்கில் முன்னணி நடிகர்களில் ஒருவரான ராம் பொத்தினேனி நாயகனாக நடிக்கும் படத்தை இயக்கும் வாய்ப்பைப் பெற்றுவிட்டார்.

இன்று அப்படத்தைப் பற்றிய அப்டேட் ஒன்றைக் கொடுத்திருக்கிறார் ராம். டுவிட்டரில், “கடைசி கட்ட கதை முடிந்தது. எப்படி... லிங்குசாமி சார் லவ் யூ, சூப்பர் டூப்பர் கிக்டு....நான் சொல்றேன் கேமராவை ரோல் பண்ணுங்க,” என பெரும் உற்சாகத்துடன் பதிவிட்டுள்ளார்.

இப்படம் தமிழ், தெலுங்கில் தயாராக உள்ளது. தேவிஸ்ரீபிரசாத் இசையமைக்க 'உப்பெனா' நாயகி கிர்த்தி ஷெட்டி கதாநாயகியாக நடிக்க உள்ளார்.

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  ஏ.ஆர்.ரஹ்மான் வழக்கறிஞர் எச்சரிக்கை
• 
  ஹரிஷ் கல்யாணுக்கு ஜோடியாகும் ‛ஸ்டார்' பட நடிகை
• 
  நிலவுக்கு என்மேல் என்னடி கோபம் படப்பிடிப்பு நிறைவு பெற்றது
• 
  துப்பாக்கிய பிடிங்க : விஜய்யின் பெருந்தன்மை - சிவகார்த்திகேயன் ...
• 
  விஷ்ணு விஷால் படத்தில் நிகழ்ந்த மாற்றம்