Dinamalar

தனுஷை முந்தும் சாய் பல்லவி

'மாரி 2' படத்தில் இடம் பெற்ற 'ரவுடி பேபி' பாடல் தான் தென்னிந்தியத் திரையுலகில் யு டியூபில் நம்பர் 1 இடத்தைப் பிடித்துள்ள பாடலாக இருக்கிறது. அப்படத்தின் சாதனையை வெகு சீக்கிரத்தில் வேறு எந்த ஒரு பாடலும் பிடித்துவிட முடியாது என்றே தோன்றுகிறது.

'ரவுடி பேபி' பாடலின் அதீத வரவேற்புக்குக் காரணம் தனுஷ் நடனமா, சாய் பல்லவி நடனமா என அந்தப் பாடல் வந்ததிலிருந்தே கேள்வி இருந்து வருகிறது. இருவருமே சிறப்பாக நடனமாடியதும், துள்ளல் இசையும் தான் அப்பாடலின் வெற்றிக்குக் காரணமாக உள்ளது.

கடந்த மாதத்தில் தனுஷ் நடித்துள்ள 'கர்ணன்' படத்தின் 'கண்டா வரச் சொல்லுங்க' பாடலும், சாய் பல்லவி நடித்துள்ள 'லவ் ஸ்டோரி' படத்தின் 'சாரங்க தரியா' பாடலும் பத்து நாட்கள் இடைவெளியில் யு டியூபில் வெளியானது. இரண்டு பாடல்களுமே நாட்டுப்புறப் பாடலாக இருப்பது ஒரு ஒற்றுமை.

இந்த இரண்டு பாடல்களில் 'சாரங்க தரியா' பாடல் 'கண்டா வரச் சொல்லுங்க' பாடலை விட இரண்டு மடங்கு அதிகமான பார்வைகளைப் பெற்றுள்ளது. அதற்குக் காரணம் சாய் பல்லவி. இத்தனைக்கும் பாடலில் சில இடங்களில் தான் அவருடைய நடனம் காட்டப்படுகிறது. அதற்கே இத்தனை பார்வைகளைக் கொடுத்துவிட்டார்கள் ரசிகர்கள்.

'கண்டா வரச் சொல்லுங்க' பாடல் 20 மில்லியன் பார்வைகளையும், 'சாரங்க தரியா' 62 மில்லியன் பார்வைகளையும் தற்போது கடந்துள்ளது. சமீபத்தில் வெளியான பல பாடல்களில் இந்த இரண்டு படங்களின் நாட்டுப்புறப் பாடல்கள் ரசிகர்களைக் கவர்ந்துள்ளது வரவேற்க வேண்டிய ஒன்று.

• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...
• 
  கல்கி 2898 ஏடி ஓராண்டு நிறைவு : அமிதாப்பச்சன் வெளியிட்ட பதிவு
• 
  விஜய் பட இயக்குனருடன் கைகோர்க்கும் அமீர் கான்
• 
  தமன்னா கை கழுவியதால் புதிய காதலில் விழுந்தாரா விஜய் வர்மா..?

• 
  கண்ணப்பா படத்தை இயக்க தெலுங்கு இயக்குனர்கள் முன் வரவில்லை : விஷ்ணு மஞ்சு ...
• 
  யோகி பாபு, ரவி மோகன் படம் ஆகஸ்ட்டில் துவக்கம்
• 
  விஜய் சேதுபதி, பூரி ஜெகந்நாத் படத்தின் படப்பிடிப்பு துவங்கியது
• 
  சாலைக்கு எம்.எஸ்.வி. பெயர் : முதல்வருக்கு நன்றி கூறி மகன் உருக்கம்
• 
  என் 5 படங்களின் கதைகளையும் முதலில் இந்த ஹீரோவிடம் தான் கூறினேன் : வெங்கி ...