Dinamalar

மீண்டும் இந்தியன் 2 படப்பிடிப்பு எப்போது?: ஷங்கர் விளக்கம்

கமல் - ஷங்கர் கூட்டணியில் உருவாகும் இந்தியன் 2 பட வேலைகள் ஆரம்பமானதில் இருந்தே பல்வேறு பிரச்சினைகளில் சிக்கியது. கிரேன் சரிந்து விபத்து ஏற்பட்டதைத் தொடர்ந்து இந்தியன் 2 படப்பிடிப்பு தற்காலிகமாக நிறுத்தப்பட்டது. அடுத்து கொரோனா பிரச்சினை தலைதூக்க படப்பிடிப்பு எப்போது தொடங்கும் என்பது கேள்விக்குறியானது.

இதற்கிடையே பிக் பாஸ் சீசனை தொகுத்து வழங்கிய கமல், அடுத்து தேர்தல் வேலைகளில் பிசியாகி விட்டார். இதனால் இப்போதைக்கு மீண்டும் இந்தியன் 2 படப்பிடிப்பு ஆரம்பமாகாது என்பது உறுதியாகி விட்டது.

இதனால் தெலுங்கு நடிகர் சிரஞ்சீவியின் மகன் ராம்சரண் கதாநாயகனாக நடிக்கும் ஒரு பிரமாண்டமான படத்தை இயக்க இருக்கிறார் ஷங்கர். தமிழ், தெலுங்கு மற்றும் இந்தி என மூன்று மொழிகளில் தயாராகும் இப்படத்தை பிரபல தெலுங்கு பட அதிபர்கள் தில்ராஜு, சிரிஷ் ஆகிய இருவரும் தயாரிக்கிறார்கள்.

ஷங்கரும் அடுத்தப் பட வேலைகளை ஆரம்பித்து விட்டதால் இந்தியன் 2 படம் டிராப் ஆவதாக சமூகவலைதளத்தில் ஒரு தகவல் வைரலானது. ரசிகர்கள் மத்தியில் காரசார விவாதமும் நடைபெற்றது.

இந்நிலையில் இந்தியன் 2 படம் பற்றி ஷங்கர் பேசியுள்ளார். அதில், “ராம்சரண் படம் குறுகிய கால தயாரிப்பாக இருக்கும். அதற்குள் தமிழக சட்டசபை தேர்தல் முடிவடைந்துவிடும். தேர்தல் பணிகள் முடிவடைந்ததும், 'இந்தியன்-2' படத்தின் அடுத்தகட்ட படப்பிடிப்பு தொடங்கும். அதில் கமல் கலந்துகொண்டு நடிப்பார்” எனத் தெரிவித்துள்ளார்.

• 
  கேன்ஸ் விழாவில் ஆலியாவுக்கு நேர்ந்த சங்கடம் ; ஆதரவாக குரல் கொடுத்த சோனு ...
• 
  துரந்தர் 2 : ஓயே ஓயே பாடலுக்கு தடை விதிக்க நீதிமன்றம் மறுப்பு
• 
  துரந்தர் 2 : ஓடிடி வெளியீடு இரண்டு வாரம் தள்ளி வைப்பு
• 
  பெண் ஓவியரின் பயோபிக்கில் நடிக்கும் அஞ்சலி சிவராமன்
• 
  விவாகரத்து செய்திகளுக்கு மவுனி ராய் கொடுத்த விளக்கம்

• 
  முதல்வரை சந்திக்கும் சினிமாதுறையினர் கோரிக்கைகள் நிறைவேற்றப்படுமா?
• 
  தனுசை விட 100 மடங்கு சிறப்பாக நடித்து இருக்கும் கஸ்துாரிராஜா: மிஷ்கின் ...
• 
  20 கோடி கடன் வரவில்லை.. யாரும் போன் எடுக்கலை..: கே. ராஜன் பற்றி அவர் ...
• 
  ஹாலிவுட் பாணியில் 'டாக்ஸிக்' படத்தின் விநியோக முறையை பின்பற்றும் யஷ்!
• 
  ஒரே நேரத்தில் மூன்று படங்களில் நடித்து வரும் பிரபாஸ்!