தெலுங்கில் மாஸ்டர் வெற்றி : நன்றி தெரிவித்த விஜய் - Vijay thanks for master success in telugu

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

தெலுங்கில் 'மாஸ்டர்' வெற்றி : நன்றி தெரிவித்த விஜய்

21 ஜன, 2021 - 06:16 IST

எழுத்தின் அளவு:

லோகேஷ் கனகராஜ் இயக்கத்தில், விஜய், விஜய் சேதுபதி, மாளவிகா மோகனன் மற்றும் பலர் நடித்துள்ள 'மாஸ்டர்' படம் கடந்த வாரம் வெளியானது. தமிழ், தெலுங்கு, கன்னடம், மலையாளம், ஹிந்தி ஆகிய மொழிகளில் வெளியான இப்படத்திற்கு தெலுங்கில் நல்ல வரவேற்பு கிடைத்தது. தெலங்கானா, ஆந்திரா ஆகிய இரு மாநிலங்களிலும் கர்நாடகவிலும் இப்படம் தெலுங்கிலும் வெளியானது.

தெலுங்கில் சுமார் 9 கோடிக்கு விற்கப்பட்ட படம் 22 கோடி வரை வசூலித்ததாகச் சொல்கிறார்கள். இதர செலவுகள் போக படத்தின் நிகர வசூல் 13 கோடி. இதன் காரணமாக இதுவரையிலும் சுமார் 4 கோடி வரை லாபம் கிடைத்துள்ளதாக டோலிவுட் வட்டாரங்கள் தெரிவிக்கின்றன. நேரடித் தெலுங்குப் படங்களுக்குப் போட்டியாக இந்த அளவிற்கு 'மாஸ்டர்' தெலுங்கில் வசூலித்தது பெரிய விஷயம் என்கிறார்கள்.

இப்படத்தைத் தெலுங்கில் வெளியிட்ட மகேஷ் கொனேரு இன்று விஜய்யை சந்தித்து தெலுங்கு வசூல் நிலவரம் குறித்து பேசியுள்ளார். அந்த சந்திப்பு பற்றி மகேஷ் டுவிட்டரில், “எங்கள் தயாரிப்பு நிறுவனம் சார்பாக விஜய்யை சந்தித்து 'மாஸ்டர்' படத்தின் வினியோகஸ்தர்கள், தியேட்டர்காரர்கள் சார்பாக அவருக்கு நன்றி தெரிவித்தேன். தெலுங்கு மாநிலங்களில் திரைப்பட ரசிகர்கள் அன்பு செலுத்தியதற்கு விஜய் நன்றியும், மகிழ்ச்சியும் தெரிவித்தார்,” எனக் குறிப்பிட்டுள்ளார்.

தென்னிந்திய மாநிலங்களில் இனி விஜய்யின் படங்கள் மற்ற தமிழ் நடிகர்களை விடவும் பெரிய வியாபாரத்தை நோக்கிப் பயணிக்க 'மாஸ்டர்' வெற்றி உதவியுள்ளதாக கோலிவுட் வினியோகஸ்தர்கள் தெரிவிக்கிறார்கள்.

Master

actorvijay

Mastertelugu

MaheshKoneru

கருத்துகள் (0) கருத்தைப் பதிவு செய்ய

சோனு சூட்டின் மனு தள்ளுபடி

புதிய படத்திற்கு தயாராகும் அனுஷ்கா

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய